قازاقستاندا 29 ناۋرىزدا تاڭەرتەڭ تاعى 22 ادامنان كوروناۆيرۋس تابىلدى. نۇر-سۇلتاندا - 16, الماتىدا - 4, اتىراۋ وبلىسىندا - 1, قىزىلوردا وبلىسىندا 1 ادامنان ۆيرۋس تابىلعان.
Coronavirus2020.kz سايتىنىڭ جازۋىنشا, اتىراۋ وبلىسىندا ۆيرۋس تابىلعان التىنشى ناۋقاس - 20 جاستاعى ستۋدەنت 17 ناۋرىزدا "الماتى - اتىراۋ" باعىتى بويىنشا ۇشاقپەن كەلگەن. ينفەكتسييالىق يزولياتورعا جاتقىزىلعان.
اتىراۋ وبلىسىندا 49 ادام كارانتيندٸك ستاتسيوناردا باقىلاۋدا جاتىر. وبلىس بويىنشا جالپى 434 ادام - دەرٸگەرلەر باقىلاۋىندا.
قازاقستاندا سوڭعى دەرەك بويىنشا, 251 ادامنان ۆيرۋس تابىلعان. اتىراۋ وبلىسى - كوروناۆيرۋس جۇقتىرعاندار سانى بويىنشا نۇر-سۇلتان (151), الماتى (64), قاراعاندىدان (7) كەيٸن اقمولا وبلىسىمەن (6) قاتار تٶرتٸنشٸ ورىندا تۇر. اتىراۋ وبلىسىندا التى ادامنان ۆيرۋس تابىلعان.
