اتىراۋ حالىقارالىق ەۋەجايى الاڭىندا قازاقتىڭ تۇڭعىش ۇشقىش قىزى, حالىق قاھارمانى حيۋاز دوسپانوۆاعا ارنالعان ەسكەرتكٸش اشىلدى, – دەپ حابارلايدى "ۇلت اقپارات".
1922 جىلدىڭ 15 مامىرىندا اتىراۋ وبلىسىندا دٷنيەگە كەلگەن حيۋاز - ەكٸنشٸ دٷنيەجٷزٸلٸك سوعىستا ەرلٸگٸمەن تانىلعان, ال سوعىستان كەيٸن قايراتكەرلٸگٸمەن دارالانعان قازاقتىڭ قاھارمان قىزى. ونىڭ ەرلٸگٸنە باس يگەن جەرلەستەرٸ ەۋەجاي الدىندا باتىرعا ارنالعان ەسكەرتكٸش ورناتۋ تۋرالى باستاما كٶتەرگەن بولاتىن.
قازاقتىڭ تۇڭعىش ۇشقىش قىزىنا ارنالعان ەسكەرتكٸشتٸڭ سالتاناتتى اشىلۋىنا اتىراۋ وبلىسىنىڭ ەكٸمٸ نۇرلان نوعاەۆ پەن ەلٸمٸزدٸڭ ەر ٶڭٸرٸنەن كەلگەن زييالى قاۋىم ٶكٸلدەرٸ قاتىستى. سونداي-اق, ەسكەرتكٸشتٸڭ ورناتىلۋىنا باستاماشى بولعانداردىڭ بٸرەگەيٸ - «ايقىن» گازەتٸنٸڭ اتىراۋ وبلىسى بويىنشا مەنشٸكتٸ تٸلشٸسٸ تۇرسىن قاليموۆا مەن باتىردىڭ باۋىرى, جەرلەستەرٸ كەلدٸ.
«ەل باسىنا كٷن تۋعان سەتتە ەر ازاماتتارمەن بٸرگە ساپقا تۇردى. مەنشٷك, ەلييا, حيۋاز. ەشكٸم ولاردى مٸندەتتەمەدٸ. جٷرەك قالاۋىمەن ەلدٸڭ بولاشاعى ٷشٸن ٶز ٶمٸرٸن قۇربان ەتتٸ. قازٸرگٸ تاڭدا ەلباسىنىڭ تاپسىرماسىمەن ەلدٸڭ دامۋ ستراتەگيياسىندا كٶرسەتٸلگەن مەجەلەردٸڭ بٸرەگەيٸ – ەيەل قاۋىمىنا ٷلكەن قۇرمەت كٶرسەتۋ. سوندىقتان دا بٷگٸنگٸ سالتاناتتى شارا بارشا انالارىمىزعا, قازاق قىزدارىنا سونىڭ ٸشٸندە بٸرەگەيٸ - حيۋاز دوسپانوۆاعا قۇرمەت بولىپ تابىلادى», – دەدٸ اتىراۋ وبلىسىنىڭ ەكٸمٸ نۇرلان نوعاەۆ. اتىراۋ حالىقارالىق ەۋەجايىنا ورنالاسقان ەسكەرتكٸشتٸڭ بيٸكتٸگٸ – 2 مەتر 30 سانتيمەتر. قولادان قۇيىلعان ەسكەرتكٸشتە حيۋاز دوسپانوۆانىڭ سوعىسقا اتتانعان بويجەتكەن قالپى ساقتالعان.
