اتىراۋ وبلىسىندا كاسپيي جاعاسىنان براكونەرلەردٸڭ ۋاقىتشا «قونىسى» تابىلدى, دەپ حابارلايدى "ۇلت اقپارات".
بۇل جايىق-كاسپيي وبلىسارالىق باسسەيندٸك بالىق شارۋاشىلىعى ينسپەكتسيياسى مەن اتىراۋ مامانداندىرىلعان تابيعات قورعاۋ پروكۋراتۋراسى قىزمەتكەرلەرٸنٸڭ بٸرلەسكەن رەيدٸ كەزٸندە انىقتالعان.
«بەكٸرە-2021» بالىق قورعاۋ اكتسيياسى اياسىندا كاسپيي تەڭٸزٸنٸڭ سولتٷستٸك جاعالاۋىن قامتىعان بٸرلەسكەن رەيدكە تٸكۇشاق تارتىلدى.
«رەيد كەزٸندە جىلىوي اۋدانىنداعى «تەرەڭ-ٶزەك» كەن ورنىنا جاقىن جەردە, قامىس قوپاسىنىڭ اراسىنان ۋاقىتشا «قونىس» تابىلعان. وندا بٸرنەشە ادامعا ارنالعان تٶسەك-ورىن جابدىعى, گاز باللونى, ازىق-تٷلٸكتەر پەن سۋ قورى, قۇرال-سايماندار جيىنتىعى, اۆتوموبيل اككۋمۋلياتورى, فونارلار, قۋاتتاعىش قۇرىلعىلار, راتسييا مەن بٸر ۇڭعىلى مىلتىق بولعان. ۋاقىتشا «قونىستىڭ» جانىندا جول تالعاماي جٷرۋگە لايىقتالعان 2 كٶلٸك تۇرعان. سۋ جاعاسىندا 3 رەزەڭكە قايىق بايلانعان. سونداي-اق, 7 قاپقا قىتايلىق اۋ سالىنعان» -دەپ حابارلادى بالىق شارۋاشىلىعى كوميتەتٸنٸڭ باسپاسٶز قىزمەتٸ.
كاسپيي جاعاسىنان تابىلعان كٶلٸكتٸڭ بٸرٸ, سونداي-اق رەزەڭكە قايىقتار مەن بالىق اۋلاۋ قۇرالدارى سالىنعان سٶمكەلەر اتىراۋ قالاسىنا جەتكٸزٸلدٸ. اتالعان دەرەككە قاتىستى تولتىرىلعان حاتتامالار قۇقىق قورعاۋ ورگاندارىنا جولدانادى.
ەسكە سالا كەتەلٸك, بۇعان دەيٸن اتىراۋ وبلىسىندا قامىس اراسىنا جاسىرىلعان ٷش جٷردەك قايىق تەركٸلەنگەنٸن حابارلاعان بولاتىنبىز.
