اتىراۋ وبلىسىندا كارانتيندٸك رەجيم شەكتەۋلەرٸن بۇزعان 1042 دەرەك تٸركەلدٸ. سولاردىڭ اراسىندا كٶپ ادامنىڭ باسىن قوسىپ قۇدا شاقىرىپ, كەلٸن تٷسٸرگەندەر انىقتالدى, دەپ حابارلايدى "ۇلت اقپارات".
وبلىستىق پوليتسييا دەپارتامەنتٸنٸڭ باستىعى, پوليتسييا پولكوۆنيگٸ قامزا ٷمبەتقاليەۆتٸڭ مەلٸمەتٸنشە, اتىراۋ قالاسىندا 24 شٸلدەدە ٷيٸندە كٶپ ادامدى جيناپ, جيىن-توي, جانۇيالىق شارا ٶتكٸزگەن 5 وتباسى انىقتالعان. سول كٷنٸ ساعات 19:00 شاماسىندا بالاۋسا ىقشاماۋدانىندا 80 ادام قاتىسقان قۇدالىق, ال, ساعات 23:10-دا تاسقالا اۋىلىندا بٸر وتباسىنىڭ كەلٸن تٷسٸرۋ تويى ەشكەرەلەنگەن.
«سونداي-اق, تەكسەرۋ كەزٸندە بەلگٸلەنگەن شەكتەۋلەردٸ ورىنداماعان بٸرنەشە دٷكەن موبيلدٸك توپتاردىڭ نازارىنا ٸلٸكتٸ. مەسەلەن, ۆوكزال ماڭى-5 ىقشاماۋدانىندا ورنالاسقان «الكوماركەت», تومارلى اۋىلىنداعى «فاريزا» دٷكەنٸ ساعات 21:00 كەيٸن جۇمىس ٸستەپ تۇرسا, بەرەكە كەنتٸندەگٸ, شيرينا, اق جايىق ەلدٸ مەكەندەرٸندەگٸ ازىق-تٷلٸك دٷكەندەرٸنٸڭ ساتۋشىلارى تۇتىنۋشىلارعا مەديتسينالىق ماسكاسىز, قولعاپسىز قىزمەت كٶرسەتكەن.
پوليتسەيلەر رەيدتٸك شارا كەزٸندە بالىقشى كەنتٸندە كٶلٸك جۋۋ ورنىن, ۆوكزال ماڭى-3-ا ىقشاماۋدانىندا «كۋرى گريل» دٷڭگٸرشەگٸنٸڭ, بايمۇحانوۆ كٶشەسٸندە «دونەرستان» قوعامدىق تاماقتانۋ ورنىنىڭ كارانتين تالاپتارىن بۇزعانىن انىقتادى» -دەدٸ دەپارتامەنت باستىعى قامزا ٷمبەتقاليەۆ.
ونىڭ ايتۋىنشا, كارانتين رەجيمٸن بۇزۋدىڭ بارلىق دەرەگٸ بويىنشا جيناقتالعان ٸس-قۇجاتتار اتىراۋ قالالىق تاۋارلار مەن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ باسقارماسىنا جولداندى.
