اتىراۋدا قاباعان يت تالاعان ەكٸ جاسار بالا اۋرۋحانادا ەم الىپ جاتىر. دەرٸگەرلەر بالانىڭ جاعدايى ورتاشا دەڭگەيدە ەكەنٸن ايتتى, دەپ حابارلايدى "ۇلت اقپارات".
وبلىستىق پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنە سٷيەنسەك, 18 قاراشادا ساعات 16:51-دە «102» پۋلتٸنە «جۇلدىز-2» شاعىن اۋدانىنىڭ تۇرعىنى كٸشكەنتاي بالانى يت تالاپ كەتكەنٸن حابارلاعان.
«وقيعا ورنىنا دەرەۋ جەتكەن پوليتسييا قىزمەتكەرلەرٸ ەكٸ جاسار بالانىڭ باسى مەن قولى جارالانعانىن انىقتادى. كٸشكەنتاي بٷلدٸرشٸن وبلىستىق بالالار اۋرۋحاناسىنا جەتكٸزٸلدٸ. بالانى تٸستەگەن يتكە ٸزدەۋ سالىنىپ, سول شاعىن اۋدانداعى ٶندٸرٸستٸك بازالاردىڭ بٸرٸنٸڭ اۋماعىنان ۇستالدى. يتتٸڭ يەسٸ اتىراۋ قالاسىنىڭ 35 جاستاعى تۇرعىنى بولىپ شىقتى. وعان قاتىستى قر ەكٸمشٸلٸك قۇقىقبۇزۋشىلىق تۋرالى كودەكستٸڭ 408-بابىنىڭ 2-بٶلٸگٸ (اۋىل شارۋاشىلىعى جانۋارلارىن جايۋ ەرەجەلەرٸن, يتتەر مەن مىسىقتاردى اسىراۋ جەنە سەرۋەندەتۋ ەرەجەلەرٸن, قاڭعىباس يتتەر مەن مىسىقتاردى اۋلاۋ جەنە جويۋ ەرەجەلەرٸن بۇزۋ) ەكٸمشٸلٸك حاتتاما تولتىرىلدى», - دەپ حابارلادى دەپارتامەنتتٸڭ باسپاسٶز قىزمەتٸ.
وبلىستىق بالالار اۋرۋحاناسىنىڭ دەرٸگەر-تراۆماتولوگى جاقسىلىق ماعزوموۆتىڭ ايتۋىنشا, جاراقات العان بالا ەم الىپ جاتىر. قاسىندا اناسى بار.
«سەرسەنبٸ كٷنٸ اۋرۋحاناعا جەتكٸزٸلگەن بالاعا العاشقى مەديتسينالىق كٶمەك كٶرسەتٸلدٸ. يت تٸستەگەننەن قالعان جاراعا حيرۋرگييالىق ٶڭدەۋ جاسالدى. بالا باسى مەن قولىنان ورتاشا دەڭگەيدە جاراقات العان. قازٸر بالا تراۆماتولوگييا بٶلٸمٸندە جان-جاقتى ەم الىپ جاتىر», - دەدٸ دەرٸگەر-تراۆماتولوگ جاقسىلىق ماعزوموۆ.
