اتىراۋ قالاسىنداعى «گاۋحارتاس» تۇرعىن ٷي كەشەنٸ ٶرتەندٸ, دەپ حابارلايدى "ۇلت اقپارات".
وبلىستىق تٶتەنشە جاعدايلار دەپارتامەنتٸ باسپاسٶز قىزمەتٸنٸڭ مەلٸمەتٸنشە, ٶرت 13 ماۋسىمدا بولعان.
«كەشكٸ ساعات 22:19-دا اتىراۋ قالاسىنىڭ «سارىقامىس» شاعىناۋدانىنداعى 2 قاباتتى «گاۋحارتاس» تۇرعىن ٷي كەشەنٸنەن ٶرت شىققانى تۋرالى حابار تٷستٸ. ٶرت سٶندٸرۋشٸلەر وقيعا ورنىنا بارعاندا 8 پەتەرلٸك تۇرعىن ٷي كەشەنٸنٸڭ تٶبە جابىندىسى مەن 2-قاباتى جانىپ جاتتى. تۇرعىن ٷي كەشەنٸنەن 21 ادام, ونىڭ ٸشٸندە 10 بالا ٶزدٸگٸمەن قاۋٸپسٸز جەرگە شىققان» -تدەپ حابارلادى دەپارتامەنتتٸڭ باسپاسٶز قىزمەتٸ.
جالىندى سٶندٸرۋگە تٶتەنشە جاعدايلار دەپارتامەنتٸنەن 50 قىزمەتكەر مەن 8 تەحنيكا, «ٶرت سٶندٸرۋشٸ» اق فيليالىنان 3 قىزمەتكەر, 1 تەحنيكا, «اق بەرەن» اق فيليلانىنان 2 قىزمەتكەر, 1 تەحنيكا, «نكوك» كومپانيياسىنان 4 قىزمەتكەر, 1 تەحنيكا, سكەبر-دەن 4 قىزمەتكەر, 1 تەحنيكا, پوليتسييا دەپارتامەنتٸنەن 7 قىزمەتكەر, 3 تەحنيكا جۇمىلدىرىلعان. ٶرت ساعات 00:43-تە وقشاۋلانىپ, ساعات 00:57-دە تولىقتاي جويىلعان.
