Atyraý qalasyndaǵy «Gaýhartas» turǵyn úi kesheni órtendi, dep habarlaidy "Ult aqparat".
Oblystyq Tótenshe jaǵdailar departamenti baspasóz qyzmetiniń málimetinshe, órt 13 maýsymda bolǵan.
«Keshki saǵat 22:19-da Atyraý qalasynyń «Saryqamys» shaǵynaýdanyndaǵy 2 qabatty «Gaýhartas» turǵyn úi kesheninen órt shyqqany týraly habar tústi. Órt sóndirýshiler oqiǵa ornyna barǵanda 8 páterlik turǵyn úi kesheniniń tóbe jabyndysy men 2-qabaty janyp jatty. Turǵyn úi kesheninen 21 adam, onyń ishinde 10 bala ózdigimen qaýipsiz jerge shyqqan» -tdep habarlady departamenttiń baspasóz qyzmeti.
Jalyndy sóndirýge Tótenshe jaǵdailar departamentinen 50 qyzmetker men 8 tehnika, «Órt sóndirýshi» AQ filialynan 3 qyzmetker, 1 tehnika, «Aq Beren» AQ fililanynan 2 qyzmetker, 1 tehnika, «NKOK» kompaniiasynan 4 qyzmetker, 1 tehnika, SKEBR-den 4 qyzmetker, 1 tehnika, politsiia departamentinen 7 qyzmetker, 3 tehnika jumyldyrylǵan. Órt saǵat 00:43-te oqshaýlanyp, saǵat 00:57-de tolyqtai joiylǵan.
