اتىراۋدا ەرلٸكپەن قازا تاپقان پوليتسييا سەرجانتى شالقار اقىمعاليەۆ مەملەكەتتٸك ناگراداعا ۇسىنىلدى, دەپ حابارلايدى ٸٸم باسپاسٶز قىزمەتٸ.
«شالقار اقىمعاليەۆ جاساعان ەرلٸگٸ ٷشٸن مەملەكەتتٸك ناگراداعا ۇسىنىلدى», - دەپ حابارلادى ۆەدومستۆونىڭ باسپاسٶز قىزمەتٸنەن.
ەسكە سالا كەتسەك, ٸشكٸ ٸستەر مينيسترٸ ەرلان تۇرعىمباەۆتىڭ تاپسىرماسى بويىنشا بٷگٸندە اتىراۋلىق پوليتسييا سەرجانتى شالقار اقىمعاليەۆتٸ ەستە قالدىرۋ شارالارى پوليتسييانىڭ بارلىق بٶلٸنٸستەرٸندە جان-جاقتى جٷرگٸزٸلٸپ جاتقانى حابارلانعان ەدٸ. ٶڭٸرلٸك پوليتسييا دەپارتامەنتتەرٸندە پاتريوتتىق تەربيە ساعاتتارى ٶتكٸزٸلۋدە, سونىڭ اياسىندا باتىر تۋرالى بەينەروليكتەر تٷسٸرۋ جۇمىستارى ۇيىمداستىرىلىپ, قىزمەتكەرلەر شالقار اقىمعاليەۆكە جىر جولدارى مەن مۋزىكالىق شىعارمالارىن ارناپ جاتىر.
«ٸٸم قازا تاپقان باتىرلاردىڭ وتباسىن قاراۋسىز قالدىرمايدى», - دەگەن بولاتىن ٸشكٸ ٸستەر مينيسترٸ ەرلان تۇرعىمباەۆ.
ايتا كەتكەن جٶن, بيىلعى جىلعى 21 ناۋرىزدا اتىراۋ قالاسىندا پاترۋلدٸك ەكيپاج قۇرامىندا جٷرگەن پوليتسييا سەرجانتى شالقار اقىمعاليەۆ كٶپٸردەن جايىق ٶزەنٸنە سەكٸرگەن قىز جايلى حابارلاما العان بويدا ويلانباستان مۇزدى سۋعا قٸرٸپ كەتتٸ. سٶيتٸپ قىزدىڭ ٶمٸرٸن اجالدان اراشالاپ قالعان ەدٸ. الايدا, ٶزٸ قاتتى اعىننىڭ ٸشٸندە ارپالىسىپ جٷرٸپ, كٶز جۇمدى.
شالقار اعىمعاليەۆ 1994 جىلى 1 سەۋٸردە دٷنيەگە كەلگەن. اتىراۋ وبلىسى يندەر اۋدانىنىڭ تۋماسى. ول كٶپ بالالى وتباسىنىڭ جالعىز اسىراۋشىسى ەدٸ. وتباسىن قۇرىپ ٷلگەرمەگەن. پوليتسييا قاتارىندا قىزمەت اتقارىپ جٷرگەنٸنە 5 جىلدان اسقان. جالپى, تەۋەلسٸزدٸك العان جىلداردان بەرٸ 2264 پوليتسييا قىزمەتكەرٸ قازا تاپسا, سونىڭ 785-ٸ قىزمەتتٸك بورىشىن ٶتەۋ كەزٸندە, 73-ٸ قاۋٸپتٸ قىلمىسكەردٸ ۇستاۋ وپەراتسيياسى بارىسىندا ەرلٸكپەن جان قيدى. سونداي-اق 2419 پوليتسييا قىزمەتكەرٸ جاراقاتتانعان. سونىڭ ٸشٸندە 899-ى قىلمىسكەردٸ ۇستاۋ بارىسىندا جارالانعان.
