فوتو: ۆيدەودان الىندى
اتىراۋ وبلىسىندا قازا تاپقان ەرلٸ-زايىپتىنىڭ ٶلٸمٸ بويىنشا ەكٸ ادام كٷدٸكتٸ دەپ تانىلدى. بۇل تۋرالى ٸشكٸ ٸستەر مينيسترٸنٸڭ ورىنباسارى سانجار ەدٸلوۆ مەلٸمدەدٸ. بۇل تۋرالى Ult.kz tengrinews.kz-كە سٸلتەمە جاساپ حابارلايدى.
ونىڭ ايتۋىنشا, كٷدٸكتٸلەر يندونەزييا اۋماعىندا ۇستالعان جەنە ولاردى قازاقستانعا ەكستراديتسييالاۋ مەسەلەسٸ شەشٸلگەن.
«ولار جاقىن ارادا, وسى ايدا قازاقستانعا جەتكٸزٸلەدٸ. شەتەلدٸك ەرٸپتەستەرمەن كەلۋ باعىتتارىن پىسىقتادىق», – دەدٸ ەدٸلوۆ.
قىلمىس جانگەلدين اۋىلىندا ٶتكەن كٷزدە بولعان. بٸر وتباسى تٷگەلدەي جوعالىپ كەتكەن. قاڭتاردىڭ باسىندا ولاردىڭ ٷيٸندەگٸ قورادان 66 جاستاعى ماقسوت قارابالين مەن جۇبايىنىڭ مەيٸتٸ تابىلدى. ال ولاردىڭ 33 جاستاعى ۇلى مەن 35 جاستاعى قىزى ەلٸ كٷنگە دەيٸن تابىلعان جوق.
تۋىستارىنىڭ ايتۋىنشا, ەرلٸ-زايىپتى قازا تاپقاننان كەيٸن دە ولاردىڭ اتىنان وتباسىلىق چاتتارعا اۋديوحابارلامالار كەلٸپ تۇرعان. سونىڭ بٸرٸ 7 قاراشادا جٸبەرٸلگەن. الايدا جاقىندارى بۇل ۋاقىتتا ولاردىڭ ٶمٸردە بولماعانىنا سەنٸمدٸ.
25 جەلتوقساندا تۋىستارى پوليتسيياعا وتباسى مٷشەلەرٸ بٸر ايدان استام ۋاقىت حابارسىز كەتكەنٸ تۋرالى ارىز بەرگەن. 6 قاڭتاردا ەرلٸ-زايىپتىنىڭ دەنەسٸ تابىلدى. وسىدان كەيٸن 29 جاستاعى اتىراۋ وبلىسى, ماحامبەت اۋدانى تۇرعىنىنا ٸزدەۋ جارييالاندى.
پوليتسييا بۇل ٸسكە باسقا ادامداردىڭ دا قاتىسى بولۋى مٷمكٸن ەكەنٸن تەكسەرٸپ جاتىر. كٷدٸكتٸ سۇلتان سەرسەماليەۆ پەن ونىڭ ەيەلٸ, جوعالعان وتباسىنىڭ كەنجە قىزى اقبايانعا حالىقارالىق ٸزدەۋ جارييالانعان.
