اتىراۋدا اۋلانعان بالىقتىڭ 80 پايىزى ەكسپورتقا شىعارىلىپ جاتىر. بۇل تۋرالى اتىراۋ وبلىسىنىڭ ەكٸمٸ ماحامبەت دوسمۇحامبەتوۆ ايتتى, دەپ حابارلايدى قازاقپارات.
«ٶڭٸردٸڭ كٷردەلٸ كليماتتىق جاعدايىنا قاراماستان, اۋىل شارۋاشىلىعىن دامىتۋعا ەرەكشە كٶڭٸل بٶلٸپ كەلەمٸز. بۇل سالادا 26 ملرد تەڭگەگە جۋىق ٶنٸم ٶندٸرٸلدٸ. تۇششى سۋ تاپشىلىعىنا قاراماستان, ٸرٸ قارا مال باسى 4, جىلقى 9,5, تٷيە 3, قوي مەن ەشكٸ 2 پايىزعا ارتتى. اۋىل شارۋاشىلىعى ٶنٸمدەرٸن ٶندٸرۋشٸلەردٸ دە قارجىلاي قولداۋ ٷشٸن جىل سايىن قاراجات بٶلٸنۋدە. بيىل وسى ماقساتقا 3,1 ملرد تەڭگە قاراستىرىلدى», - دەدٸ وبلىس باسشىسى ورتالىق كوممۋنيكاتسييالار قىزمەتٸندە بريفينگ بارىسىندا.
ونىڭ اتاپ ٶتۋٸنشە, ەلەۋمەتتٸك ماڭىزى بار ازىق-تٷلٸك تاۋارلارىنىڭ باعاسىن تۇراقتاندىرۋ بويىنشا تۇراقتى جۇمىستار جاسالۋدا. ٶڭٸردە 1 ملرد 100 ملن تەڭگەنٸڭ ٷستٸندە تاۋارلىق-قارجىلىق تۇراقتاندىرۋ قورى قالىپتاستىرىلدى. سونىڭ اياسىندا 755 ملن تەڭگە مٶلشەرٸندە اينالىم قورى قۇرىلىپ, ٶڭٸردەگٸ «يدەال» ٸرٸ ساۋدا جەلٸسٸمەن كەلٸسٸم جاسالدى. نەتيجەسٸندە اتالعان جەلٸنٸڭ 36 ساۋدا نٷكتەسٸندە ەلەۋمەتتٸك ماڭىزى بار ازىق-تٷلٸك تاۋارلارىنىڭ 14 تٷرٸ نارىقتان 10-15 پايىزعا تٶمەن باعامەن ساتىلۋدا. سونىمەن قاتار, ەلەۋمەتتٸك ماڭىزى بار ازىق-تٷلٸك تاۋارلارىنىڭ باعاسىن تۇراقتى ۇستاۋ ٷشٸن كەسٸپكەرلەر, تاۋار ٶندٸرۋشٸلەر سونداي-اق ٸرٸ ساۋدا ورىندارى اراسىندا 200-دەن استام مەموراندۋم جاسالعان.
«بالىق شارۋاشىلىعىندا دا ٶسٸم بار. ٶتكەن جىلى وسى ۋاقىتتا 6,5 مىڭ توننا بالىق اۋلانسا, بيىل 10 مىڭ 150 توننا اۋلاندى. ونىڭ 90 پايىزى ٶڭدەلٸپ, ٶنٸمنٸڭ 80% ەكسپورتتالدى», - دەدٸ وبلىس باسشىسى.
