اتىراۋدا ارزان يپوتەكا رەسٸمدەۋگە ۋەدە بەرگەن الاياق ەيەل ۇستالدى, دەپ حابارلايدى قازاقپارات.
وبلىستىق پوليتسييا دەپارتامەنتٸ باسپاسٶز قىزمەتٸنٸڭ اقپاراتىنا سٷيەنسەك, 48 جاستاعى ەيەل 4 ادامدى الداعان.
«الاياققا الدانعان 4 ەيەلدٸڭ ەرقايسىسى 2019 جىلى 500 مىڭنان 600 مىڭ تەڭگە ارالىعىندا اقشا بەرگەن. بٸراق, ولار ارزان يپوتەكا رەسٸمدەۋگە ۋەدە بەرگەن ەيەلدٸ تاپپاي قالعان. ارزان يپوتەكا رەسٸمدەۋگە ۋەدە بەرگەن الاياق العان اقشاسىن كەرٸ قايتارماعان. جاقىندا پوليتسييا قىزمەتكەرلەرٸ 48 جاستاعى ازاماتشانى انىقتاپ, ۇستادى», - دەيدٸ دەپارتامەنت باستىعى, پوليتسييا پولكوۆنيگٸ قامزا ٷمبەتقاليەۆ.
قازٸر كٷدٸكتٸگە قاتىستى قر قىلمىستىق كودەكسٸنٸڭ 190-بابىنىڭ 3-بٶلٸگٸمەن سوتقا دەيٸنگٸ تەرگەۋ جٷرگٸزٸلٸپ جاتىر. سونداي-اق, كٷدٸكتٸنٸڭ ٶزگە قىلمىستارعا قاتىسى تەكسەرٸلۋدە.
