اتىراۋ وبلىسىندا ساقتاۋ, تٸركەۋ ەرەجەلەرٸن بۇزعان 100-گە جۋىق تۇرعىننىڭ قارۋى تەركٸلەندٸ, دەپ حابارلايدى وبلىستىق پوليتسييا دەپارتامەنتٸ باسپاسٶز قىزمەتٸ.
4 اقپاننان بەرٸ «قارۋ» جەدەل پروفيلاكتيكالىق ٸس-شاراسى ٶتٸپ جاتىر.
«تەك 3 كٷندە 2 مىڭنان استام ازاماتتىق قارۋ يەلەرٸ تەكسەرٸلدٸ. نەتيجەسٸندە 100-گە جۋىق تۇرعىننىڭ قارۋدى ساقتاۋ, تٸركەۋ, تاسىمالداۋ ەرەجەسٸن بۇزعانى انىقتالىپ, ولار ەكٸمشٸلٸك جاۋاپكەرشٸلٸككە تارتىلدى. ولاردىڭ ٷيٸندە ساقتالعان قارۋى تەركٸلەندٸ» -دەپ حابارلادى دەپارتامەنتتٸڭ باسپاسٶز قىزمەتٸ.
زاڭسىز اينالىمنان بەس قارۋ انىقتالىپ, بالليستيكالىق ساراپتاما تاعايىندالدى.
ەسكە سالا كەتەلٸك, بۇدان بۇرىن اتىراۋلىقتار پوليتسيياعا 40-قا جۋىق قارۋ مەن 100-دەن استام وق-دەرٸنٸ تاپسىرعان بولاتىن.
