2025 جىلدان باستاپ اتىراۋ وبلىسىندا جىلىنا 60 ملن توننا مۇناي ٶندٸرٸلەدٸ. بۇل تۋرالى اتىراۋ وبلىسىنىڭ ەكٸمٸ ماحامبەت دوسمۇحامبەتوۆ ايتتى, دەپ حابارلايدى قازاقپارات.
ماحامبەت دوسمۇحامبەتوۆ قازاقستان پرەزيدەنتٸنٸڭ تاپسىرماسىمەن اتىراۋ وبلىسىن ەلەۋمەتتٸك-ەكونوميكالىق دامىتۋدىڭ 20212025 جىلدارعا ارنالعان كەشەندٸ جوسپارى قابىلدانعانىن اتاپ ٶتتٸ. اتالعان جوسپار اياسىنا الداعى 5 جىلدا ٶڭٸردە 9,5 ترلن تەڭگەگە 198 ٸس-شارا جٷزەگە اسىرىلادى. قاراجاتتىڭ 90 پايىزى نەمەسە 8,7 ترلن تەڭگەسٸن جەكە ينۆەستيتسييا قۇرايدى. ال رەسپۋبليكالىق بيۋدجەتتەن 671 ملرد, جەرگٸلٸكتٸ بيۋدجەتتەن 108 ملرد تەڭگە بٶلٸنەدٸ.
«مۇناي ٶندٸرۋ كٶلەمٸ 2025 جىلعا قاراي 28 پايىزعا ارتىپ, 60 ملن تونناعا جەتەدٸ. وعان تەڭٸز كەن ورنىن بولاشاقتا كەڭەيتۋ جوباسى ارقىلى جىلىنا مۇناي كٶلەمٸن 12 ملن تونناعا ارتتىرۋ, مۇناي ٶندٸرۋ كٶلەمٸن جىلىنا 2 ملن تونناعا ارتتىرۋى تيٸس قاشاعان كەن ورنىنداعى كەشەندٸ ٸس-شارالار مٷمكٸندٸك بەرۋٸ تيٸس», - دەدٸ ماحامبەت دوسمۇحامبەتوۆ ورتالىق كوممۋنيكاتسييالار قىزمەتٸندەگٸ بريفينگ بارىسىندا.
ونىڭ اتاپ ٶتۋٸنشە, ٶڭٸردە مۇناي-گاز حيميياسىن دامىتۋ ماقساتىندا ارناۋلى ەكونوميكالىق ايماق اۋماعىندا جالپى قۇنى 6,1 ترلن تەڭگەنٸ قۇرايتىن 4 جاڭا جوبا جٷزەگە اسىرىلادى.
