2025 jyldan bastap Atyraý oblysynda jylyna 60 mln tonna munai óndiriledi. Bul týraly Atyraý oblysynyń ákimi Mahambet Dosmuhambetov aitty, dep habarlaidy QazAqparat.
Mahambet Dosmuhambetov Qazaqstan Prezidentiniń tapsyrmasymen Atyraý oblysyn áleýmettik-ekonomikalyq damytýdyń 20212025 jyldarǵa arnalǵan keshendi jospary qabyldanǵanyn atap ótti. Atalǵan jospar aiasyna aldaǵy 5 jylda óńirde 9,5 trln teńgege 198 is-shara júzege asyrylady. Qarajattyń 90 paiyzy nemese 8,7 trln teńgesin jeke investitsiia quraidy. Al respýblikalyq biýdjetten 671 mlrd, jergilikti biýdjetten 108 mlrd teńge bólinedi.
«Munai óndirý kólemi 2025 jylǵa qarai 28 paiyzǵa artyp, 60 mln tonnaǵa jetedi. Oǵan Teńiz ken ornyn bolashaqta keńeitý jobasy arqyly jylyna munai kólemin 12 mln tonnaǵa arttyrý, munai óndirý kólemin jylyna 2 mln tonnaǵa arttyrýy tiis Qashaǵan ken ornyndaǵy keshendi is-sharalar múmkindik berýi tiis», - dedi Mahambet Dosmuhambetov Ortalyq kommýnikatsiialar qyzmetindegi brifing barysynda.
Onyń atap ótýinshe, óńirde munai-gaz himiiasyn damytý maqsatynda arnaýly ekonomikalyq aimaq aýmaǵynda jalpy quny 6,1 trln teńgeni quraityn 4 jańa joba júzege asyrylady.
