فوتو: ۆيدەودان سكرينشوت
اتىراۋ وبلىسىندا پوليتسەيلەر رٶلدە كەلە جاتىپ ەسٸنەن تانىپ قالعان جٷك كٶلٸگٸ جٷرگٸزۋشٸسٸن قۇتقارىپ قالدى, دەپ حابارلايدى Ult.kz.
وقيعا 12 سەۋٸر كٷنٸ اتىراۋ – قۇلسارى تاس جولىندا بولعان. جىلدام قيمىلدايتىن ارنايى جاساق قىزمەتكەرلەرٸ ماقات اۋدانىنان ٸسساپاردان قايتىپ كەلە جاتىپ, جول شەتٸنە شىعىپ كەتكەن Shacman جٷك كٶلٸگٸن بايقايدى.
كٶلٸككە جاقىنداعان تەرتٸپ ساقشىلارى جٷرگٸزۋشٸنٸڭ ەس-تٷسسٸز جاتقانىن انىقتاپ, بٸردەن العاشقى مەديتسينالىق كٶمەك كٶرسەتكەن. سونىمەن قاتار جەدەل جەردەم شاقىرىلعان.
دەرٸگەرلەر كەلگەن سوڭ 43 جاستاعى ٶزبەكستان ازاماتى مەديتسينالىق مەكەمەگە جەتكٸزٸلدٸ.
قۇزىرلى ورگانداردىڭ مەلٸمەتٸنشە, دەر كەزٸندە كٶرسەتٸلگەن كٶمەك جٷرگٸزۋشٸنٸڭ ٶمٸرٸن ساقتاپ قالۋعا مٷمكٸندٸك بەرگەن.
