Foto: Videodan skrinshot
Atyraý oblysynda politseiler rólde kele jatyp esinen tanyp qalǵan júk kóligi júrgizýshisin qutqaryp qaldy, dep habarlaidy Ult.kz.
Oqiǵa 12 sáýir kúni Atyraý – Qulsary tas jolynda bolǵan. Jyldam qimyldaityn arnaiy jasaq qyzmetkerleri Maqat aýdanynan issapardan qaityp kele jatyp, jol shetine shyǵyp ketken Shacman júk kóligin baiqaidy.
Kólikke jaqyndaǵan tártip saqshylary júrgizýshiniń es-tússiz jatqanyn anyqtap, birden alǵashqy meditsinalyq kómek kórsetken. Sonymen qatar jedel járdem shaqyrylǵan.
Dárigerler kelgen soń 43 jastaǵy Ózbekstan azamaty meditsinalyq mekemege jetkizildi.
Quzyrly organdardyń málimetinshe, der kezinde kórsetilgen kómek júrgizýshiniń ómirin saqtap qalýǵa múmkindik bergen.
