اتىراۋ وبلىسىنىڭ ەكٸمٸ ماحامبەت دوسمۇحامبەتوۆ ۆاكتسينا سالدىردى, دەپ حابارلايدى "ۇلت اقپارات".
وبلىس ەكٸمٸ كوروناۆيرۋسقا قارسى ۆاكتسينا سالدىرۋ ٷشٸن «گەولوگ» ەلدٸ مەكەنٸندەگٸ ەمحاناعا باردى.
«دەرٸگەرلەر الدىمەن تٸركەۋدەن ٶتكٸزٸپ, دەنە قىزۋىم مەن قان قىسىمىمدى ٶلشەۋدەن باستاپ, تولىق مەديتسينالىق تەكسەرۋ جاسادى. ودان كەيٸن عانا قاراعاندى فارماتسەۆتيكا زاۋىتىندا شىعارىلعان «سپۋتنيك-V» ۆاكتسيناسىن سالدىرتتىم. ۆاكتسينادان كەيٸن جارتى ساعات ارنايى بٶلمەدە ماماندار باقىلاۋىندا بولدىم. قازٸر جاعدايىم جاقسى, ەشقانداي جاناما ەسەرلەرٸ بايقالعان جوق. ماماندار ەكپە سالىنعان جەرگە سۋ تيگٸزبەي, جىلى ۇستاپ, كٷتٸنٸپ ەرٸ ساقتىق شارالارىن ۇستانىپ جٷرۋگە كەڭەس بەردٸ» دەيدٸ ماحامبەت دوسمۇحامبەتوۆ.
ەكٸمنٸڭ ايتۋىنشا, جەكسەنبٸگە قاراماستان, ەمحاناعا ۆاكتسينا الۋشىلار كەلگەن.
ال, دەرٸگەرلەر تۇرعىنداردىڭ ۆاكتسينا الۋعا دەگەن بەلسەندٸلٸگٸ جوعارى ەكەنٸن ايتىپ وتىر.
«جاقىندارىمىز بەن اينالامىزداعىلاردى قورعاۋ دا, ٶزدەرٸڭٸزدٸڭ قورعانۋلارىڭىز ٷشٸن دە – كوروناۆيرۋسقا قارسى ۆاكتسينا الۋ ٶتە ماڭىزدى» دەيدٸ وبلىس ەكٸمٸ.
