اتىراۋ وبلىسىنداعى نوعايتى ٶزەنٸندە بالىق قىرىلدى, دەپ حابارلايدى "ۇلت اقپارات".
قىزىلقوعا اۋدانى ەكٸمدٸگٸنٸڭ مەلٸمەتٸنشە, بٷگٸن 10 ماۋسىمدا ساعىز اۋىلدىق وكرۋگٸ اۋماعىنداعى نوعايتى ٶزەنٸنٸڭ ساعىز ٶزەنٸنە قۇياتىن تۇسىندا بالىقتىڭ قىرىلۋ دەرەگٸ انىقتالعان.
«بالىق ٶلگەن جەردەگٸ سۋ كٶلەمٸ – 100 مەتر. ال, ٶلگەن بالىق مٶلشەرٸ – 150 كەلٸ. نەگٸزٸنەن بالىقتىڭ مايدا شاباقتارى قىرىلعان. قازٸر قۇزىرلى ورگاندار ارقىلى سىنامالار الىندى. ٶلگەن بالىق شاباقتارى مەن سۋدىڭ سىناماسى ۇلتتىق ساراپتاما ورتالىعىنىڭ وبلىستىق فيليالىنا جٸبەرٸلدٸ. زەرتحانالىق تەكسەرۋ قورىتىندىسى وسى اپتادا بەلگٸلٸ بولادى», - دەپ حابارلادى قىزىلقوعا اۋدانىنىڭ ەكٸمدٸگٸنەن.
