Atyraý oblysyndaǵy Noǵaity ózeninde balyq qyryldy, dep habarlaidy "Ult aqparat".
Qyzylqoǵa aýdany ákimdiginiń málimetinshe, búgin 10 maýsymda Saǵyz aýyldyq okrýgi aýmaǵyndaǵy Noǵaity ózeniniń Saǵyz ózenine quiatyn tusynda balyqtyń qyrylý deregi anyqtalǵan.
«Balyq ólgen jerdegi sý kólemi – 100 metr. Al, ólgen balyq mólsheri – 150 keli. Negizinen balyqtyń maida shabaqtary qyrylǵan. Qazir quzyrly organdar arqyly synamalar alyndy. Ólgen balyq shabaqtary men sýdyń synamasy Ulttyq saraptama ortalyǵynyń oblystyq filialyna jiberildi. Zerthanalyq tekserý qorytyndysy osy aptada belgili bolady», - dep habarlady Qyzylqoǵa aýdanynyń ákimdiginen.
