فوتو: اشىق دەرەككٶز
اتىراۋ وبلىسىنىڭ قىزىلقوعا اۋدانىنا قاراستى جانگەلدين اۋىلىنىڭ تٶرت تۇرعىنى قازان ايىنان بەرٸ حابار-وشارسىز كەتكەن, دەپ حابارلايدى Ult.kz.
الدىن الا مەلٸمەتكە سەيكەس, الدىمەن وتباسىنىڭ ٷلكەن ۇلى جوعالىپ, كەيٸن قالعان وتباسى مٷشەلەرٸ دە ٸز-تٷزسٸز كەتكەن.
تۋىستارىنىڭ ايتۋىنشا, ٷيدٸڭ ٷلكەن ۇلى ناۋرىز شامامەن بەس-التى اي بۇرىن اقتاۋعا جۇمىس ٸزدەپ كەتكەن. الايدا سول ۋاقىتتان بەرٸ ودان ەشقانداي حابار بولماعان.
ال قازان ايىندا اۋىلداستارىنىڭ سٶزٸنشە, وتباسى باسشىسى ماكسوت قارابالين دەرٸگەرگە قارالاتىنىن ايتىپ, جۇبايى مەن قىزىن بٸرگە الىپ كەتكەن. قىزى ميرامگٷلدٸڭ ٷشٸنشٸ توپتاعى مٷگەدەك ەكەنٸ بەلگٸلٸ. وسى كٷننەن كەيٸن وتباسىنىڭ بٸردە-بٸر مٷشەسٸ اۋىلعا ورالماعان.
تۋىستارى ولاردىڭ مەديتسينالىق كٶمەك الۋ ٷشٸن جولعا شىققانىن ايتقانىمەن, قاي ەلدٸ مەكەنگە بارعانى جەنە ناقتى قانداي مەديتسينالىق مەكەمەگە جٷگٸنگەنٸ تۋرالى اقپارات جوق.
كٷمەن تۋدىراتىن جايتتاردىڭ بٸرٸ – ٷيدەگٸ بارلىق مالدىڭ WhatsApp مەسسەندجەرٸ ارقىلى, ۇلدارىنىڭ اتىنان ساتىلىپ كەتكەنٸ. اقشا Kaspi شوتىنا اۋدارىلعانى ايتىلعانىمەن, وسى وپەراتسييالاردان كەيٸن دە وتباسى مٷشەلەرٸمەن بايلانىس ورناتۋ مٷمكٸن بولماعان.
قازٸرگٸ تاڭدا پوليتسييا ٸزدەستٸرۋ جۇمىستارىن جٷرگٸزٸپ جاتىر. الايدا ەكٸ ايدان استام ۋاقىت ٶتسە دە, ٸزدەۋ نەتيجەلەرٸ بويىنشا رەسمي اقپارات جارييالانعان جوق.
ماكسوت قاراباليننٸڭ تۋعان اعاسى ولار ٶزبەكستان اسىپ كەتتٸ دەپ بولجام جاساپ وتىر.
