Foto: ashyq derekkóz
Atyraý oblysynyń Qyzylqoǵa aýdanyna qarasty Jangeldin aýylynyń tórt turǵyny qazan aiynan beri habar-osharsyz ketken, dep habarlaidy Ult.kz.
Aldyn ala málimetke sáikes, aldymen otbasynyń úlken uly joǵalyp, keiin qalǵan otbasy músheleri de iz-túzsiz ketken.
Týystarynyń aitýynsha, úidiń úlken uly Naýryz shamamen bes-alty ai buryn Aqtaýǵa jumys izdep ketken. Alaida sol ýaqyttan beri odan eshqandai habar bolmaǵan.
Al qazan aiynda aýyldastarynyń sózinshe, otbasy basshysy Maksot Qarabalin dárigerge qaralatynyn aityp, jubaiy men qyzyn birge alyp ketken. Qyzy Miramgúldiń úshinshi toptaǵy múgedek ekeni belgili. Osy kúnnen keiin otbasynyń birde-bir múshesi aýylǵa oralmaǵan.
Týystary olardyń meditsinalyq kómek alý úshin jolǵa shyqqanyn aitqanymen, qai eldi mekenge barǵany jáne naqty qandai meditsinalyq mekemege júgingeni týraly aqparat joq.
Kúmán týdyratyn jaittardyń biri – úidegi barlyq maldyń WhatsApp messendjeri arqyly, uldarynyń atynan satylyp ketkeni. Aqsha Kaspi shotyna aýdarylǵany aitylǵanymen, osy operatsiialardan keiin de otbasy múshelerimen bailanys ornatý múmkin bolmaǵan.
Qazirgi tańda politsiia izdestirý jumystaryn júrgizip jatyr. Alaida eki aidan astam ýaqyt ótse de, izdeý nátijeleri boiynsha resmi aqparat jariialanǵan joq.
Maksot Qarabalinniń týǵan aǵasy olar Ózbekstan asyp ketti dep boljam jasap otyr.
