اتىراۋ وبلىسىندا جانارماي تاسيتىن كٶلٸكتٸڭ 27 جاستاعى جٷرگٸزۋشٸسٸ جوعالىپ كەتتٸ, دەپ حابارلايدى قازاقپارات.
وبلىستىق تٶتەنشە جاعدايلار دەپارتامەنتٸ باسپاسٶز قىزمەتٸنٸڭ اقپاراتىنا قاراعاندا, «ۋرال» كٶلٸگٸنٸڭ جٷرگٸزۋشٸسٸ 12 اقپاندا كەن ورنىنا بارۋ ٷشٸن جولعا شىعىپ كەتكەن.
«بٸراق, اتىراۋ قالاسىنان جولعا شىققان جٷرگٸزۋشٸنٸڭ ماقات اۋدانىنداعى «قاراتال» كەن ورنىنا جەتپەگەنٸ انىقتالىپ وتىر. بۇل تۋرالى دەپارتامەنتتٸڭ ديسپەتچەرلٸك پۋلتٸنە بٷگٸن, 14 اقپاندا ساعات 01:30-دا حابار تٷستٸ. كٶلٸك جٷرگٸزۋشٸسٸنٸڭ جاسى – 27-دە. ول «ارنا» جشس-دە جانارماي تاسيتىن «ۋرال» كٶلٸگٸن جٷرگٸزۋشٸ بولىپ جۇمىس ٸستەيدٸ. ونى ٸزدەستٸرۋ جۇمىستارى بٷگٸن, 14 اقپاندا تٷندە باستالدى», - دەپ حابارلادى دەپارتامەنتتٸڭ باسپاسٶز قىزمەتٸ.
جوعالعان جٷرگٸزۋشٸنٸ ٸزدەستٸرۋگە تٷندە №8 ٶرت سٶندٸرۋ بٶلٸمٸنەن 3 قىزمەتكەرٸ مەن 1 «ۋاز» كٶلٸگٸ مەن تۋىستارى جۇمىلدىرىلدى. ال, تاڭەرتەڭ ساعات 06:20-دا جەدەل-قۇتقارۋ جاساعىنىڭ 3 قۇتقارۋشىسى مەن 1 «ترەكول» جول تالعامايتىن كٶلٸگٸ, «ارنا» جشس-نٸڭ 3 قىزمەتكەرٸ مەن 1 تەحنيكا, سونداي-اق, تۋىستارى قوسىلدى.
«ٸزدەستٸرۋ جۇمىستارى ماقات اۋدانىنداعى دوسسور كەنتٸنەن 40 شاقىرىم جەردە جالعاسىپ جاتىر. «قاراتال» كەن ورنىنا جاقىن ماڭدا ەۋەدەن ٸزدەستٸرۋگە شەشٸم قابلىداندى. سول سەبەپتەن, وعان «قازاۆياقۇتقارۋ» اق-نا قاراستى مي-8 تٸكۇشاعى ەكيپاجىنىڭ 4 مٷشەسٸ, تٶتەنشە جاعدايلار دەپارتامەنتٸنٸڭ 3 قىزمەتكەرٸ, تۋىستارىنان 3 ادام تارتىلدى. ەزٸرگە ٸزدەستٸرۋ جۇمىستارى نەتيجە بەرگەن جوق», - دەپ مەلٸم ەتتٸ دەپارتامەنتتٸڭ باسپاسٶز قىزمەتٸنەن.
