اتىراۋ وبلىسىندا شەكاراشىلار 50 مىڭ تٷپ قاراسورا ٶرتەدٸ, دەپ حابارلايدى "ۇلت اقپارات".
شەكارا قىزمەتٸ اتىراۋ وبلىسى بويىنشا دەپارتامەنتٸنٸڭ قۇرمانعازى اۋدانىنداعى قىزمەتكەرلەرٸ سافون اۋىلدىق وكرۋگٸنٸڭ اۋماعىندا 3 گەكتارعا ٶسٸرٸلگەن ەسٸرتكٸ القابىن انىقتاعان.
«ەسٸرتكٸ القابىندا 50 مىڭ تٷپ قاراسورا ٶسٸمدٸگٸ ٶسٸرٸلگەن. بۇل بەيجاي قارايتىن جايت ەمەس. ەسٸرەسە, 20-35 جاس ارالىعىنداعى جاستاردىڭ ەسٸرتكٸ ٶنٸمدەرٸنە قىزىعۋشىلىق تانىتۋى تٷيتكٸلدٸ مەسەلە اينالىپ وتىر. قۇرمانعازى اۋدانىندا ەسٸرتكٸ ٶنٸمدەرٸن ساتۋعا قاتىستى 6 قىلمىس تٸركەلگەن. سول سەبەپتەن, ەسٸرتكٸ ٶنٸمدەرٸن تامىرىنمەن جويىپ, كونتراباندالىق قىلمىستاردىڭ الدىن الۋ ماقساتىنداعى جۇمىستار جالعاسا بەرەدٸ»,- دەيدٸ شەكارا قىزمەتٸ اتىراۋ وبلىستىق دەپارتامەنتٸنٸڭ باسپاسٶز حاتشىسى ٶمٸربات ايتەلٸ.
