بٷگٸن اتىراۋدا وبلىستىق ەكٸمدٸك پەن «ەكولوگييالىق ۇيىمدار قاۋىمداستىعى» زتب اراسىندا سەرٸكتەستٸك تۋرالى مەموراندۋم جاسالدى, دەپ حابارلايدى "ۇلت اقپارات".
«ەكولوگييالىق ۇيىمدار قاۋىمداستىعى» زاڭدى تۇلعالار بٸرلەستٸگٸنٸڭ تٶرايىمى ايگٷل سولوۆەۆانىڭ ايتۋىنشا, بۇل مەموراندۋم ايماقتىڭ ەكولوگييالىق پروبلەمالارىن شەشۋگە سەپتٸگٸن تيگٸزەدٸ. سونىڭ ٸشٸندە, ٶڭٸردەگٸ قورشاعان ورتانى قورعاۋعا باعىتتالعان شارالار كەشەنٸن تالقىلاۋ, قابىلداۋ, ٸسكە اسىرۋعا مەن بەرٸلمەك. اتموسفەراعا ەرتٷرلٸ كٶزدەردەن تارايتىن كٶمٸرقىشقىل گازىن ازايتۋ بويىنشا ەكولوگييالىق, زەرتتەۋ جۇمىستارى جەنە مونيتورينگ جٷرگٸزۋ ٷشٸن ەلەۋمەتتٸك تاپسىرىستى قالىپتاستىرۋ دا كٶزدەلەدٸ.
وبلىس اۋماعىندا تۇرعىنداردىڭ ەكولوگييالىق قاۋٸپسٸزدٸگٸن ساقتاۋ ماقساتىندا تابيعات قورعاۋ باعدارلامالارى مەن ينۆەستيتسييالىق جوبالاردى دايىنداپ, جٷزەگە اسىرۋ دا مەموراندۋمدا كٶرسەتٸلگەن. «بٸز ٶزارا سەرٸكتەستٸككە نيەتتٸمٸز. پروبلەمالىق مەسەلەلەر بار, ولاردى شەشۋ ٷشٸن ەلەمدٸك تەجٸريبەمەن بٶلٸسۋگە دايىنبىز. قازٸر جاڭا ەكولوگييالىق كودەكس بويىنشا جۇمىس ٸستەپ جاتىرمىز, جاڭا قاعيدالار, جاڭا تەسٸلدەر بار. بەرٸڭٸزدٸ وسى ماڭىزدى قۇجاتتى جٷزەگە اسىرۋعا قاتىسۋعا شاقىرامىن», - دەپ اتاپ ٶتتٸ ايگٷل سولوۆەۆا.
اتىراۋ وبلىسىنىڭ ەكٸمٸ نۇرلان نوعاەۆ ەكولوگييالىق پروبلەمالاردى بٸرلەسٸپ شەشۋ ٷشٸن بۇل مەموراندۋمنىڭ ماڭىزدى ەكەنٸن ايتتى.
«ايماقتاعى ەكولوگييالىق احۋالعا بايلانىستى مەسەلەلەردٸ شەشۋ بٸزدٸڭ بەرٸمٸز ٷشٸن ماڭىزدى. جەر قويناۋىن پايدالانۋشى كەسٸپورىنداردىڭ قورشاعان ورتاعا ەسەرٸن تٶمەندەتۋ بويىنشا كەشەندٸ جۇمىستار جٷرٸپ جاتىر. بالامالى ەنەرگەتيكا بٸزدٸڭ ٶڭٸردە دە ەنگٸزٸلۋدە. يساتاي اۋدانىندا قۋاتى 52 مەگاۆاتت العاشقى جەل ەلەكترستانساسى سالىنىپ جاتىر. وبلىستاعى سۋ ايدىندارىندا ەكولوگييالىق سيپاتتاعى مەسەلەلەر بار. بۇل مەسەلەلەردٸڭ بەرٸن قوعامدىق ۇيىمداردى جۇمىلدىرۋ ارقىلى جارييا تٷردە شەشۋٸمٸز كەرەك. سٸزدەردٸڭ قاتىسۋلارىڭىز بٸز ٷشٸن ٶتە ماڭىزدى. تەجٸريبەلەرٸڭٸز بەن بٸلٸمدەرٸڭٸز ٶڭٸردەگٸ قورشاعان ورتانى ساۋىقتىرۋعا سەپتٸگٸن تيگٸزەدٸ دەگەن سەنٸمدەمٸز», - دەدٸ نۇرلان نوعاەۆ.
