فوتو: اتىراۋ وبلىسى تجد
اتىراۋ وبلىسىندا 1 قاڭتاردا جوعالعان ەر ادام كٶرشٸ اۋىلدان تابىلدى, دەپ حابارلايدى قازاقپارات.
اتىراۋ وبلىستىق پوليتسييا دەپارتامەنتٸ باسپاسٶز قىزمەتٸنٸڭ اقپاراتىنا قاراعاندا, قۇرمانعازى اۋدانىنىڭ رەسەي فەدەراتسيياسىمەن شەكاراسىنداعى كٶپتوعاي سەلولىق وكرۋگٸنەن جوعالىپ كەتكەن ەر ادام كٶرشٸلەس شورتانباي اۋىلىنان تابىلعان.
«شورتانباي اۋىلىنداعى دٷكەن ساتۋشىسى مەن ۋچاسكەلٸك پوليتسييا ينسپەكتورى جوعالعان ەر ادامدى تانىپ, جەدەل ەرەكەت ەتكەن. سونىڭ نەتيجەسٸندە جٷيكە اۋرۋلارىمەن ەسەپتە تۇرعان 51 جاستاعى ەر ادام اعايىن-تۋىستارىنا جەتكٸزٸلدٸ. تۋىسقاندارىنىڭ سۇراۋى بويىنشا بۇدان ٶزگە اقپاراتتى جارييالاي المايمىز», -دەپ مەلٸم ەتتٸ پوليتسييا دەپارتامەنتٸنٸڭ باسپاسٶز قىزمەتٸ.
ال, وبلىستىق تٶتەنشە جاعدايلار دەپارتامەنتٸنٸڭ قوعاممەن بايلانىس توبىنان مەلٸم ەتكەندەي, قۇرمانعازى اۋدانىنداعى كٶپتوعاي سەلولىق وكرۋگٸنٸڭ تۇرعىنى 1 قاڭتاردا جوعالىپ كەتكەن. تۋىستارى ونىڭ جوعالعانى تۋرالى حاباردى 2 قاڭتاردا بەرگەن.
«اتالعان سەلولىق وكرۋگ قۇرمانعازى اۋداندىق تٶتەنشە جاعدايلار بٶلٸمٸنە قاراستى №7 ٶرت سٶندٸرۋ بٶلٸمٸنەن 60 شاقىرىم قاشىقتىقتا ورنالاسقان. سوعان قاراماستان, اتالعان بٶلٸمنٸڭ قۇتقارۋشىلارى 2023 جىلدىڭ 1 قاڭتار كٷنٸ ٷيٸنەن بەلگٸسٸز باعىتقا شىعىپ, قايتا ورالماعان 1972 جىلعى ەر ادامدى ٸزدەستٸرۋدٸ توقتاتقان جوق. بۇگٸن, 4 قاڭتاردا ساعات 17:00 كەزٸندە تابىلعان ەر ادام مەديتسينالىق كٶمەكتٸ قاجەت ەتپەدٸ», -دەپ حابارلادى دەپارتامەنتتٸڭ قوعاممەن بايلانىس توبىنان.
ٸز-تٷزسٸز جوعالعان تۇرعىندى ٸزدەستٸرۋگە 8 ادام مەن 3 تەحنيكا تارتىلعان. ونىڭ ٸشٸندە تٶتەنشە جاعدايلار بٶلٸمٸنەن 6, اۋداندىق پوليتسييا بٶلٸمٸنٸڭ 2 قىزمەتكەرٸ بار. سونداي-اق, ٸزدەستٸرۋ جۇمىستارىنا جەرگٸلٸكتٸ اتقارۋشى ورگان مەن اۋىل تۇرعىندارى قوسىلعان.
