اتىراۋ مۇناي ٶڭدەۋ زاۋىتى 60 221 655 ملن تەڭگە ايىپپۇل تٶلەدٸ, دەپ حابارلايدى "ۇلت اقپارات".
بۇدان بۇرىن اتىراۋ مۇناي ٶڭدەۋ زاۋىتىنىڭ بيولوگييالىق تازارتۋ قۇرىلعىسىنان اقاۋ شىققان ەدٸ.
وبلىستىق ەكولوگييا دەپارتامەنتٸ جەرگٸلٸكتٸ قوعام بەلسەندٸلەرٸمەن بٸرگە اتىراۋ قالاسىنىڭ ەكولوگييالىق احۋالىنا مونيتورينگ جٷرگٸزۋ كەزٸندە «امٶز» جشس تاراپىنان اعىزىلعان سۋ قۇرامىندا مۇناي ٶنٸمدەرٸ مەن بيولوگييالىق شلامنىڭ بولعانىن انىقتاعان.
«اتالعان دەرەككە سەيكەس «امٶز» جشس-نە قاتىستى جوسپاردان تىس تەكسەرٸس جٷرگٸزٸلٸپ, الىنعان سىناماداعى سۋ قۇرامىندا جوبالىق قۇجاتتامادا بەلگٸلەنگەن ەميسسييانىڭ نورمادان اسقانى انىقتالدى. اتاپ ايتقاندا, جالپى تەمٸر جەنە قۇرعاق قالدىقتار 1,5 ەسە, سۋلفات 2,5 ەسە, ازوت امونيي 5 ەسە, مۇناي ٶنٸمدەرٸ 6 ەسە جەنە ٶلشەۋلٸ زاتتار 628 ەسە كٶپ بولعان. وسىلايشا, سارقىندى سۋلاردى تازارتۋسىز تٸكەلەي اعىزۋعا جول بەرٸپ, قر ەكٸمشٸلٸك قۇقىقبۇزۋشىلىق تۋرالى كودەكسٸنٸڭ 328-بابىن بۇزدى», -دەپ حابارلادى دەپارتامەنتتٸڭ باسپاسٶز قىزمەتٸ.
ەكولوگييالىق كودەكستٸڭ 118-بابىن باسشىلىققا العان دەپارتامەنت ماماندارى تەكسەرٸس ماتەريالدارىن پوليتسييا دەپارتامەنتٸنە جولداعان بولاتىن.
«پوليتسييا دەپارتامەنتٸمەن «امٶز» جشس-نە قاتىستى قوزعالعان قىلمىستىق ٸس قىسقارتىلدى. ەكولوگييا دەپارتامەنت «امٶز» جشس-نە قاتىستى ەكٸمشٸلٸك ٸس قوزعادى.
سەرٸكتەستٸك 60 221 655 تەڭگە ەكٸمشٸلٸك ايىپپۇل مٶلشەرٸندە ەكٸمشٸلٸك جازاعا تارتىلدى», - دەپ مەلٸم ەتتٸ باسپاسٶز قىزمەتٸنەن.
