Atyraý munai óńdeý zaýyty 60 221 655 mln teńge aiyppul tóledi, dep habarlaidy "Ult aqparat".
Budan buryn Atyraý munai óńdeý zaýytynyń biologiialyq tazartý qurylǵysynan aqaý shyqqan edi.
Oblystyq Ekologiia departamenti jergilikti qoǵam belsendilerimen birge Atyraý qalasynyń ekologiialyq ahýalyna monitoring júrgizý kezinde «AMÓZ» JShS tarapynan aǵyzylǵan sý quramynda munai ónimderi men biologiialyq shlamnyń bolǵanyn anyqtaǵan.
«Atalǵan derekke sáikes «AMÓZ» JShS-ne qatysty jospardan tys tekseris júrgizilip, alynǵan synamadaǵy sý quramynda jobalyq qujattamada belgilengen emissiianyń normadan asqany anyqtaldy. Atap aitqanda, jalpy temir jáne qurǵaq qaldyqtar 1,5 ese, sýlfat 2,5 ese, azot amonii 5 ese, munai ónimderi 6 ese jáne ólsheýli zattar 628 ese kóp bolǵan. Osylaisha, sarqyndy sýlardy tazartýsyz tikelei aǵyzýǵa jol berip, QR Ákimshilik quqyqbuzýshylyq týraly Kodeksiniń 328-babyn buzdy», -dep habarlady departamenttiń baspasóz qyzmeti.
Ekologiialyq Kodekstiń 118-babyn basshylyqqa alǵan departament mamandary tekseris materialdaryn Politsiia departamentine joldaǵan bolatyn.
«Politsiia departamentimen «AMÓZ» JShS-ne qatysty qozǵalǵan qylmystyq is qysqartyldy. Ekologiia departament «AMÓZ» JShS-ne qatysty ákimshilik is qozǵady.
Seriktestik 60 221 655 teńge ákimshilik aiyppul mólsherinde ákimshilik jazaǵa tartyldy», - dep málim etti baspasóz qyzmetinen.
