اتىراۋ ەكٸمدٸگٸندە تۇرعىن ٷيگە اقشا سالعان ٷلەسكەرلەرمەن كەزدەسۋ ٶتتٸ. جينالىس كەزٸندە "جٸبەك جولى" تۇرعىن ٷي-قۇرىلىس كووپەراتيۆٸنٸڭ ەكٸ ٶكٸلٸ قاماۋعا الىندى, دەپ حابارلايدى Sputnik قازاقستان "اق جايىق" پورتالىنا سٸلتەمە جاساپ.
ەكٸمدٸككە 150-دەن استام ادام كەلدٸ. ولاردىڭ كٶبٸسٸ "جٸبەك جولى" تۇرعىن ٷي-قۇرىلىس كووپەراتيۆٸنە 10-25 ميلليون تەڭگەدەن سالعان. بٸراق باسپانا ەلٸ بەرٸلگەن جوق. ال كەيبٸر پەتەرلەردٸ بٸرنەشە رەت ساتىپ جٸبەرگەن.
"ولاردا بٸرنەشە تۇرعىن ٷي-قۇرىلىس كووپەراتيۆٸ بار. كەڭسەسٸ ەلٸ ٸستەپ تۇر. قىزمەتكەرلەر كليەنت تارتىپ, اكتسييالار مەن جەڭٸلدٸكتەردٸ جارنامالاپ وتىر. ال جاڭا ٷيدٸڭ كٸلتٸن الاتىن ادامدار بالالارىمەن بٸرگە جالدامالى پەتەردٸ, يا بولماسا, تۋىستارىنىڭ ٷيٸن پانالاپ جٷر", - دەيدٸ ٷلەسكەرلەر.
اتىراۋ وبلىستىق تەرگەۋ باسقارماسىنىڭ باستىعى نۇرمۇحامەد مۇتاليەۆتٸڭ ايتۋىنشا, "جٸبەك جولى" تۇرعىن ٷي-قۇرىلىس كووپەراتيۆٸنٸڭ ٷستٸنەن 70 ارىز تٷسكەن.
"بٸز شاعىمدا كٶرسەتٸلگەن ەسەپشوتتاردى تەكسەرٸپ شىقتىق. ول جەردە اقشا جوق. پوليتسيياعا شاعىم تٷسٸرمەگەن ادامدار بولسا, باسقارماعا نەمەسە وبلىستىق دەپارتامەنتكە كەلٸڭٸزدەر", - دەپ اتاپ ٶتتٸ مۇتاليەۆ.
بىلتىر 27 جەلتوقساندا "جٸبەك جولى" تقك تٶراعاسى ە.سارداربەكوۆ پەن ساتۋ بٶلٸمٸنٸڭ باسشىسى ا.يۋسۋپوۆاعا قاتىستى قىلمىستىق كودەكستٸڭ 190-بابى, 3-بٶلٸگٸنٸڭ 3-تارماقشاسى (الاياقتىق, ەكٸ نەمەسە ودان دا كٶپ ادامعا قاتىستى جاسالعان ەرەكەت) بويىنشا سوتقا دەيٸنگٸ تەرگەۋ شارالارى باستالعان.
ال كووپەراتيۆ تٶراعاسى ە.سارداربەكوۆ بەرٸنە پاندەمييا كٸنەلٸ دەپ وتىر.
"بٸزدٸڭ تۇرعىن ٷي-قۇرىلىس كووپەراتيۆٸمٸز 2020 جىلى قۇرىلعان. سودان بەرٸ تٶراعا قىزمەتٸن اتقارىپ كەلەمٸن. كارانتين بولدى, قۇرىلىس ماتەريالدارى جەنە تاعى باسقا زاتتار قىمباتتادى. بۇنىڭ بارلىعى قۇرىلىسقا دا كەرٸ ەسەرٸن تيگٸزدٸ. قازٸرگٸ كەزدە ٷلەسكەرلەر اقشانى قايتارۋدى تالاپ ەتٸپ وتىر. مەن كٷن-تٷن دەمەي, ينۆەستور ٸزدەپ جاتىرمىن. تابىلعان كٷننٸڭ ٶزٸندە ولار بەرٸن ەسەپتەيدٸ, حالىقتىڭ نارازىلىعىن كٶرەدٸ دە, كەتٸپ قالادى", - دەدٸ سارداربەكوۆ.
ال قالالىق سەۋلەت-قۇرىلىس باقىلاۋ باسقارماسىنىڭ باسشىسى "جٸبەك جولى" تۇرعىن ٷيٸنٸڭ جوباسى بەكٸتٸلمەگەنٸن مەلٸمدەدٸ. جوبالىق-سمەتالىق قۇجاتتارى جوق. ساراپتاما جاسالماعان.
جينالىس كەزٸندە "جٸبەك جولى" تقك تٶراعاسى ە.سارداربەكوۆ پەن ساتۋ بٶلٸمٸنٸڭ باسشىسى ا.يۋسۋپوۆا قاماۋعا الىندى.
"ولاردىڭ تاعدىرىن تەرگەۋ سوتى شەشەدٸ. ۋاقىتشا قاماۋ اباقتىسىنا نەمەسە ٷي قاماققا جٸبەرٸلەدٸ, ونى سوت شەشەدٸ", - دەدٸ قالانىڭ باس پوليتسەيٸ.
كەزدەسۋگە اتىراۋ قالاسىنىڭ ەكٸمٸ مەيٸرٸم قالاۋي دە قاتىستى.
