ٶز اتىڭىزعا تٸركەلگەن SIM كارتانى بٸرەۋگە پايدالانۋعا بەرۋگە بولا ما? بۇل سۇراققا قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترلٸگٸ تەلەكوممۋنيكاتسييا كوميتەتٸنٸڭ تٶراعاسى ۆيتاليي ياروشەنكو جاۋاپ بەردٸ, دەپ حابارلايدى "ۇلت اقپارات".
«بۇل قىلمىس پا, جوق پا – ول سۇراققا ٸشكٸ ٸستەر مينيسترلٸگٸ جاۋاپ بەرۋٸ كەرەك. ەگەر سٸزدٸڭ نٶمٸرٸڭٸز ارقىلى قىلمىس جاسالسا, ول ٸس قىلمىستىق جەنە ەكٸمشٸلٸك جاۋاپكەرشٸلٸك بويىنشا قۋدالانادى», - دەدٸ ۆيتاليي ياروشەنكو وكق-دا ٶتكەن باسپاسٶز مەسليحاتىندا.
دەسە دە, نٶمٸردٸ باسقا بٸرەۋدٸڭ پايدالانۋى – زاڭعا قايشى كەلمەيتٸنٸن دە اتاپ ٶتتٸ.
«سٸز ٶز اتىڭىزعا نٶمٸردٸ تٸركەپ, زايىبىڭىزدىڭ نەمەسە بالاڭىزدىڭ پايدالانۋىنا بەرە الاسىز. ال ەگەر ول نٶمٸر ارقىلى زاڭعا قايشى ەرەكەت جاسالسا, ول ٸسپەن ارى قاراي قۇقىق قورعاۋ ورگاندارى اينالىسادى», - دەدٸ سپيكەر.
ۆيتاليي ياروشەنكو سونىمەن بٸرگە IMEI كود ارقىلى تەكسەرۋ قازاقستاندىقتارعا ىڭعايلى بولۋى ٷشٸن جاسالعانىن سٶز ەتتٸ.
«ەگەر بۇل قىزمەت بولماسا, سٸز ٶز اتىڭىزدا قانشا نٶمٸردٸڭ تٸركەلگەنٸن بٸلە الاتىن با ەدٸڭٸز? امالسىز, بٷكٸل بايلانىس وپەراتورلارىن اينالىپ, تٶلقۇجاتىڭىزدى كٶرسەتٸپ, ەۋرەگە تٷسەر ەدٸڭٸز. تۇرعىندارعا ىڭعايسىزدىق تۋدىرماس ٷشٸن بۇل قىزمەتتٸ ٸسكە قوستىق», - دەدٸ ول.
ەسكە سالا كەتسەك, بٷگٸنگٸ باسپاسٶز مەسليحاتىندا ۆيتاليي ياروشەنكو قازاقستاندا 18 ميلليون ادامعا 42 ملن SIM كارتانىڭ تٸركەلگەنٸن ايتقان ەدٸ. ول سونداي-اق, جسن ارقىلى بٶتەن ادامنىڭ سٸزدٸڭ اتىڭىزدان ۇيالى نٶمٸردٸ پايدالانۋ قاۋٸپتەرٸن اتادى.
