قاراعاندىدا بيٸكتەن سەكٸرۋدٸ ۇيىمداستىرعان فيرمانىڭ بٸردە-بٸر قىزمەتكەرٸ رەسمي تٷردە جۇمىس ٸستەمەگەن. بۇل تۋرالى 34 جاستاعى ەۆگەنييا لەونتەۆانىڭ قايتىس بولۋنا قاتىستى قىلمىستىق ٸس بويىنشا سوتتىڭ كەزەكتٸ وتىرىسىندا بەلگٸلٸ بولدى, دەپ حابارلايدى قازاقپارات.
قاراعاندىدا قازىبەك بي اۋداندىق سوتىندا 34 جاستاعى ەۆگەنييا لەونتەۆانىڭ قازا بولعانى تۋرالى ٸس بويىنشا سوت وتىرىسى جالعاسۋدا. ٸس ماتەريالدارىنان بەلگٸلٸ بولعانداي, «Fly قازاقستان» فيرماسىنىڭ ديرەكتورى يليا يليچەۆ ٶز جشس-ٸن 2021 جىلدىڭ جازىندا تٸركەگەن. كومپانييا بيٸكتٸكتەن سەكٸرۋدٸ جٷزەگە اسىرعانىنا قاراماستان, بارلىق قىزمەتكەرلەر وندا بەيرەسمي جۇمىس ٸستەگەن.
قايعىلى وقيعا كەزٸندە كومپانييانىڭ يەسٸ يليا يليچەۆ رەسەيدە بولعان. ول كەزدە ول اناسىن جەرلەۋدٸ ۇيىمداستىرعانىن جەتكٸزگەن. الايدا وسىدان كەيٸن دە «Fly قازاقستان» ديرەكتورى قازاقستان اۋماعىنا ورالماعان. قزارگٸ تاڭدا قازاقستان پوليتسيياسى وعان حالىقارالىق ٸزدەۋ جارييالادى.
بٷگٸنگٸ سوت وتىرىسىندا ايىپتالۋشى الەكساندر مۋزنيكاس پەن فيرمانىڭ تاعى بٸر قىزمەتكەرٸ «Fly قازاقستاندا» بەيرەسمي جۇمىس ٸستەگەندەرٸن مويىندادى. ولار جالاقىسىن كارتاعا اۋدارۋ ارقىلى نەمەسە ەكاتەرينا ساۆيتسكايادان الىپ وتىرعاندارىن جەتكٸزدٸ.
الايدا ەكٸمشٸ قىزمەتٸن اتقارعان ەكاتەرينا ساۆيتسكايا بۇل كومپانييادا جۇمىس ٸستەگەنٸن مويىنداماي وتىر. ول يليا يليچەۆپەن دوستىق قارىم-قاتىناستا بولعاندىقتان, تەك ەلەۋمەتتٸك جەلٸلەردٸ جٷرگٸزۋگە كٶمەكتەسكەنٸن جەنە ول ٷشٸن اقشا الماعانىن ايتادى.
سونداي-اق, وتىرىس بارىسىندا نۇسقاۋشىلاردىڭ ارنايى دايىندىعى جەنە وقىتۋ تۋرالى تيٸستٸ سەرتيفيكاتتارى بولماعانى بەلگٸلٸ بولدى. بٷگٸنگٸ پروتسەسستە 5 تەحنيك-نۇسقاۋشىلاردىڭ بٸرٸ لەۆ گلۋحوۆسكيي جاۋاپ بەردٸ.
ونىڭ ايتۋىنشا, ول «Fly قازاقستانعا» قىزمەتكەرلەردٸ قابىلداۋ تۋرالى حابارلاندىرۋ بويىنشا ورنالاسقان. يليا يليچەۆتە ەكٸ ايلىق تاعىلىمدامادان ٶتكەنٸن ايتادى. بٸراق ارنايى بٸلٸم العانى تۋرالى ەشقانداي قۇجاتتى قولىنا الماعان.
سەكٸرۋ كەزٸندە كليەنتپەن 3 نۇسقاۋشى جۇمىس ٸستەيدٸ: جوعارىدا بٸرەۋٸ جەنە تٶمەندە ەكەۋٸ. جوعارىداعى نۇسقاۋشىنىڭ مٸندەتٸ كليەنتتەردٸ سەكٸرۋگە دايىنداۋ, ارنايى بەلبەۋلەردٸ تاعۋ, اۋىزشا نۇسقاۋ بەرۋ جەنە سيگنالدى كٷتكەننەن كەيٸن ادامداردى سەكٸرۋگە جٸبەرۋ بولعان.
جەردەگٸ نۇسقاۋشىلاردىڭ دا ٶز مٸندەتتەرٸ بار. ولاردىڭ بٸرٸ تەجەگٸش جٷيەسٸن اعاشقا بەكٸتٸپ, كليەنتتٸڭ جايلى تٷسۋٸن قاداعالاۋ بولسا, ەكٸنشٸسٸ جوعارىدان سەكٸرگەن ادامداردى قارسى الىپ, ولاردىڭ بەلبەۋلەرٸن شەشۋٸ كەرەك. سول كٷنٸ لەۆ گلۋحوۆسكيي تەجەۋ جٷيەسٸن بەكٸتۋمەن اينالىسقان.
گلۋحوۆسكييدٸڭ ايتۋىنشا, سول كٷنٸ الەكساندر مۋزنيكاس ەۆگەنييا لەونتەۆانىڭ سالماعىن حابارلاماعان جەنە ونىڭ سيگنالىن كٷتپەستەن كليەنتكە سەكٸرۋگە رۇقسات بەرگەن. الەكساندر مۋزنيكاس ٶز كەزەگٸندە گلۋحوۆسكيي جۇمىس ورنىن تاستاپ كەتكەنٸن, سوندىقتان كابەلدٸ بايلاپ ٷلگەرمەگەنٸن ايتتى.
ەسكە سالا كەتەيٸك, قايعىلى وقيعا ٶتكەن جىلدىڭ 10 قازانىندا ورىن العان بولاتىن.
سوتتالۋشى ورىندىعىندا روۋپ-دجامپينگ نۇسقاۋشىسى وتىر. وعان قىلمىستىق كودەكستٸڭ 306-بابىنىڭ 3-بٶلٸگٸ (ابايسىزدا ادام ٶلٸمٸنە ەكەپ سوققان, تۇتىنۋشىلاردىڭ ٶمٸرٸ مەن دەنساۋلىعى قاۋٸپسٸزدٸگٸنٸڭ تالاپتارىنا ساي كەلمەيتٸن جۇمىستاردى ورىنداۋ نە قىزمەتتەر كٶرسەتۋ) بويىنشا ايىپ تاعىلدى.
بۇل ٸس بويىنشا كەلەسٸ وتىرىس 5 مامىردا ٶتەدٸ.
