بيىل پەداگوگتتەردٸ اتتەستاتتاۋ 3 كەزەڭمەن ٶتەدٸ. بۇل تۋرالى قر بٸلٸم جەنە عىلىم مينيسترلٸگٸنٸڭ مەكتەپكە دەيٸنگٸ جەنە ورتا بٸلٸم كوميتەتٸنٸڭ تٶرايىمى مايرا مەلدەبەكوۆا ايتتى, دەپ حابارلايدى قازاقپارات.
«پەداگوگتەردٸ اتتەستاتتاۋ ەرەكشە سانيتارلىق نورمالاردى ساقتاۋ تالابىمەن ٶتەدٸ. جالپى, كابينەتتەردٸڭ بارلىعىندا ەربٸر پەداگوگتٸڭ اراسىنداعى 2 مەترلٸك اراقاشىقتىق ساقتالاتىن بولادى. سونىمەن قاتار ەربٸر پەداگوگ ماسكا تاعادى. اتتەستاتتاۋ ٶتەتٸن اۋديتورييالاردا سانيتايزەرلەر مەن سەنسور تەرمومەتر بولۋى تالاپ ەتٸلەدٸ. پەداگوگتەردٸ اتتەستاتتاۋ مينيسترلٸكتٸڭ 2 بۇيرىعىمەن بەلگٸلەنگەن. ول - پەداگوگتەردٸڭ بارلىعىنا تانىس 83-شٸ بۇيرىق پەن پەداگوگتەردٸڭ بٸلٸكتٸلٸك ساناتتارىن بەرۋ جەنە راستاۋ قاعيدالارى», - دەدٸ مايرا مەلدەبەكوۆا مينيسترلٸكتٸڭ Facebook پاراقشاسىندا ونلاين رەجيمدە ٶتكەن اپپارات جينالىسىندا.
ونىڭ ايتۋىنشا, اتتەستاتتاۋ 3 كەزەڭمەن ٶتەدٸ. بٸرٸنشٸ كەزەڭدە ۇلتتىق بٸلٸكتٸلٸك تەستٸن تاپسىرادى. ەكٸنشٸ كەزەكتە بٸلٸكتٸلٸك باعالاۋ جٷرگٸزٸلەدٸ. ال ٷشٸنشٸ كەزەڭدە جالپى پەداگوگتٸڭ نەمەسە بٸلٸم بەرۋ ۇيىمى باسشىسىنىڭ پورتفوليوسىن تالداۋ ٶتكٸزٸلەدٸ. پەداگوگتەر اتتەستاتتاۋدان 5 جىلدا 1 رەت, بٸلٸم بەرۋ ۇيىمدارىنىڭ باسشىلارى 3 جىلدا 1 رەت ٶتەدٸ.
«بيىلدان باستاپ مەكتەپكە دەيٸنگٸ بٸلٸم بەرۋ ۇيىمدارىنىڭ پەداگوگتەرٸ مەن باسشىلارى, قوسىمشا بٸلٸم بەرۋ ۇيىمدارىنىڭ پەداگوگتەرٸ, مەتوديكالىق كابينەتتەردٸڭ ەدٸسكەرلەرٸ, سونىمەن قاتار تەحنيكالىق جەنە كەسٸپتٸك بٸلٸم بەرۋ ۇيىمدارىنىڭ پەداگوگتەرٸ مەن باسشىلارى قاتىسادى. وسى ٷش كەزەڭدٸ سەتتٸ ٶتكەن ەربٸر پەداگوگتٸڭ, سونىمەن قاتار بٸلٸم بەرۋ ۇيىمى باسشىسىنىڭ جالاقىسىنا ٷستەمەاقى تٶلەنەدٸ. باسشىلار مەن ولاردىڭ ورىنباسارلارىنا تاعايىندالعان ساناتىنا بايلانىستى 30-دان 100 پايىزعا دەيٸن, پەداگوگتەرگە 30-دان 50 پايىزعا دەيٸن ٷستەمەاقى قوسىلادى», - دەدٸ كوميتەت تٶرايىمى.
