Biyl pedagogtterdi attestattaý 3 kezeńmen ótedi. Bul týraly QR Bilim jáne ǵylym ministrliginiń Mektepke deiingi jáne orta bilim komitetiniń tóraiymy Maira Meldebekova aitty, dep habarlaidy QazAqparat.
«Pedagogterdi attestattaý erekshe sanitarlyq normalardy saqtaý talabymen ótedi. Jalpy, kabinetterdiń barlyǵynda árbir pedagogtiń arasyndaǵy 2 metrlik araqashyqtyq saqtalatyn bolady. Sonymen qatar árbir pedagog maska taǵady. Attestattaý ótetin aýditoriialarda sanitaizerler men sensor termometr bolýy talap etiledi. Pedagogterdi attestattaý ministrliktiń 2 buiryǵymen belgilengen. Ol - pedagogterdiń barlyǵyna tanys 83-shi buiryq pen pedagogterdiń biliktilik sanattaryn berý jáne rastaý qaǵidalary», - dedi Maira Meldebekova ministrliktiń Facebook paraqshasynda onlain rejimde ótken apparat jinalysynda.
Onyń aitýynsha, attestattaý 3 kezeńmen ótedi. Birinshi kezeńde Ulttyq biliktilik testin tapsyrady. Ekinshi kezekte biliktilik baǵalaý júrgiziledi. Al úshinshi kezeńde jalpy pedagogtiń nemese bilim berý uiymy basshysynyń portfoliosyn taldaý ótkiziledi. Pedagogter attestattaýdan 5 jylda 1 ret, bilim berý uiymdarynyń basshylary 3 jylda 1 ret ótedi.
«Biyldan bastap mektepke deiingi bilim berý uiymdarynyń pedagogteri men basshylary, qosymsha bilim berý uiymdarynyń pedagogteri, metodikalyq kabinetterdiń ádiskerleri, sonymen qatar tehnikalyq jáne kásiptik bilim berý uiymdarynyń pedagogteri men basshylary qatysady. Osy úsh kezeńdi sátti ótken árbir pedagogtiń, sonymen qatar bilim berý uiymy basshysynyń jalaqysyna ústemeaqy tólenedi. Basshylar men olardyń orynbasarlaryna taǵaiyndalǵan sanatyna bailanysty 30-dan 100 paiyzǵa deiin, pedagogterge 30-dan 50 paiyzǵa deiin ústemeaqy qosylady», - dedi komitet tóraiymy.
