اتباسار قالاسىندا سۋ تاسقىنىنىڭ قاۋٸپتٸ اۋماعىنان 459 وتباسى كٶشٸرٸلدٸ. اۋدان بويىنشا تاعى 502 وتباسىن كٶشٸرۋ جوسپارلانىپ وتىر. بۇل تۋرالى ايماق باسشىسى ەرمەك مارجىقپاەۆ ەلەۋمەتتٸك جەلٸدەگٸ پاراقشاسىندا جازدى, دەپ حابارلايدى "ۇلت اقپارات".
«كٶكتەمگٸ سۋ تاسقىنىنىڭ الدىن الۋ ماقساتىندا 54 ەلدٸمەكەندە (14 اۋدانداعى) سۋ تاسقىنىنا قارسى ٸس-شارالار, سۋ ٶتكٸزەتٸن 41 نىساندى جٶندەۋ جۇمىستارى جٷرگٸزٸلدٸ, سۋ اعاتىن 27 شاقىرىم ارنا تەرەڭدەتٸلدٸ جەنە كەڭەيتٸلدٸ, 16,5 شاقىرىم بٶگەت پەن توپىراق ٷيٸندٸسٸ نىعايتىلدى, 17 شاقىرىم بٶگەت تۇرعىزىلدى, ٶزەن ارناسىنىڭ 5 شاقىرىم ارالىقتا تٷبٸ تازارتىلدى.
بۇدان بٶلەك, 181 توننا جانار-جاعار ماي, 8 مىڭ توننا ينەرتتٸ ماتەريالدار مەن قۇم سالۋعا ارنالعان 50 مىڭ قاپ قور جاسالدى. ەلدٸمەكەندەردەن 800 مىڭنان استام تەكشە مەتر قار شىعارىلىپ, 2445 ادام مەن 1090 ارنايى تەحنيكا, 229 موتوپومپ, 60 جٷزۋ قۇرالى ەزٸرلەندٸ. سۋ تاسقىنىنىڭ الدىن الۋ ماقساتىندا 66 گيدرو-مەتەوستانسا مەن بەكەت باقىلاۋ جاساپ وتىرادى, بۇعان قوسىمشا تاعى 97 باقىلاۋ بەكەتٸ ۇيىمداستىرىلادى»,— دەيدٸ ە.مارجىقپاەۆ.
ايماق باسشىسىنىڭ مەلٸمەتٸنشە, جول كارتاسى شەڭبەرٸندە 2020 جىلعا جوسپارلانعان شارانىڭ 14-ٸ جٷزەگە اسىرىلۋدا.
«نۇر-سۇلتان قالاسىن سۋ الىپ قالۋىنا جول بەرمەۋ ماقساتىندا ەسٸل ٶزەنٸ جاعاسىنىڭ دٶڭەس جەرٸن تەگٸستەۋ جەنە نۇر-سۇلتان قالاسى شەكاراسىنان ارايلى اۋىلىنا دەيٸنگٸ (تالاپكەر اۋىلىنان ارايلى اۋىلىنا دەيٸن) ٶزەن ارناسىن كەڭەيتۋ بويىنشا جوبالىق-سمەتالىق قۇجاتتارى ەزٸرلەندٸ. ەسٸل ٶزەنٸ ارناسىن تابيعي (توپىراق, بۇتالار, قامىس) شٶگٸندٸلەردەن تازارتۋ جۇمىستارى جٷرگٸزٸلدٸ. اعىن سۋدى اپاتسىز ٶتكٸزۋ شەڭبەرٸندە ەسٸل ٶزەنٸ ارناسىن كەڭەيتۋ (بۇعان 30 بٸرلٸك ارنايى تەحنيكا تارتىلىپ, ٶزەن ارناسىنىڭ ەنٸ 100 مەتر, ۇزىندىعى 30 شاقىرىمعا دەيٸنگٸ اۋماعى تازارتىلادى) جۇمىستارى باستالدى. اتباسار قالاسىندا سۋ تاسقىنىنىڭ قاۋٸپتٸ اۋماعىنان 459 وتباسى كٶشٸرٸلدٸ, اتباسار اۋدانى بويىنشا قاۋٸپتٸ اۋماقتان تاعى قوسىمشا 502 وتباسىن كٶشٸرۋ جوسپارلانىپ وتىر. قازٸرگٸ كەزدە اتباسار قالاسىندا 100 پەتەرلٸ 5 تۇرعىن ٷيدٸڭ قۇرىلىسى ٷشٸن قارجى بٶلۋ مەسەلەسٸ قاراستىرىلۋدا»,— دەيدٸ ە.مارجىقپاەۆ.
سونىمەن قاتار, ايماق باسشىسى اتاپ ٶتكەندەي, گيدرولوگييالىق مەلٸمەتتەردٸ ناقتىلاۋ بويىنشا جاباي ٶزەنٸ بويىنشا (اتباسار جەنە ساندىقتاۋ اۋداندارى) ەكسپەديتسييا ۇيىمداستىرىلدى. ونىڭ نەتيجەسٸ بويىنشا ٶزەن اڭعارىندا قاردىڭ قالىڭدىعى 34 پايىزدان جوعارى, ىلعال 2 ەسە كٶپ, سونداي-اق, توپىراقتىڭ قاتۋى ٶتكەن جىلمەن سالىستىرعاندا 55 پايىزعا تٶمەن ەكەنٸ انىقتالدى.
ناۋرىز ايىندا وبلىستىڭ سۋ باسۋ قاۋپٸ بار 10 اۋدانىندا 20 مىڭ شارشى مەتر اۋماقتا مۇز جارۋ جۇمىستارىن جٷرگٸزۋ جوسپارلانعان. بارلىق قاجەتتٸ شارالار ورىندالىپ, قاتاڭ باقىلاۋعا الىنعان.
