قر سىرتقى ٸستەر مينيسترٸ بەيبٸت اتامقۇلوۆ بٸرٸككەن ۇلتتار ۇيىمى دامۋ باعدارلاماسىنىڭ (بۇۇدب) قازاقستانداعى جاڭا تۇراقتى ٶكٸلٸ ياكۋپ بەريشتٸ قابىلدادى, دەپ حابارلايدى "ۇلت اقپارات".
«كەزدەسۋ بارىسىندا 2016-2020 جىلدارعا ارنالعان بەسجىلدىق باعدارلاما, 2030 جىلعا دەيٸنگٸ دامۋ كٷن تەرتٸبٸ مەن ورنىقتى دامۋ ماقساتتارىن (ودم) جٷزەگە اسىرۋ, سونىمەن قاتار دامۋعا رەسمي كٶمەكتٸڭ ۇلتتىق جٷيەسٸن دامىتۋ شەڭبەرٸندەگٸ ىنتىماقتاستىق مەسەلەلەرٸ تالقىلاندى.
سىرتقى ساياسي ۆەدومستۆوسىنىڭ باسشىسى قازاقستان ٷكٸمەتٸ ودم-دى جٷزەگە اسىرۋ بويىنشا جٷيەلٸ جەنە ماقساتتى جۇمىستار جٷرگٸزٸلەتٸنٸن حابارلادى. وسى جىلدىڭ شٸلدە ايىندا بٸزدٸڭ ەلٸمٸز نيۋ-يورك قالاسىنداعى جوعارى دەڭگەيدەگٸ ساياسي فورۋم اياسىندا ودم-دى جٷزەگە اسىرۋ بويىنشا العاشقى ەرٸكتٸ ۇلتتىق شولۋدى ۇسىندى», - دەلٸنگەن قر سٸم اقپاراتىندا.
يا. بەريش قر مەن بۇۇدب ىنتىماقتاستىعىنىڭ ٷنەمٸ ارتىپ كەلە جاتقانىن قاناعاتتانارلىقپەن اتاپ ٶتٸٸپ, مينيستردٸ بۇۇدب قىزمەتٸ, قازاقستاندا ٶتكٸزٸلٸپ جاتقان ٸس-شارالار مەن جوبالار تۋرالى حاباردار ەتتٸ. سونىمەن قاتار ول قازاقستان ٷكٸمەتٸنە الماتى قالاسىندا بۇۇ-نىڭ تٷرلٸ اگەنتتٸكتەرٸ ورنالاسقان جاڭا عيمارات ٷشٸن العىسىن بٸلدٸردٸ.
«سول كٷنٸ سٸم باسشىسى بۇۇ يۋنيسەف بالالار قورىنىڭ جاڭادان تاعايىندالعان قازاقستانداعى ٶكٸلٸ ارتۋر ۆان ديزەنمەن كەزدەستٸ. يۋنيسەف بالالار قورىنا قازاقستان ٷكٸمەتٸنە بالالاردى قورعاۋ مەسەلەلەرٸ بويىنشا كٶرسەتٸپ جاتقان قولعابىس ٷشٸن العىس بٸلدٸرٸلدٸ. 2019 جىلى يۋنيسەف قورى مەملەكەتٸمٸزدە يۋۆەنالدى ەدٸلەتتٸ دامىتۋ, بالالارعا مەيٸرٸمدٸ سوت تٶرەلٸگٸن قۇرۋعا باعىتتالعان باعدارلامالار مەن جوبالاردى جٷزەگە اسىرۋ ارقىلى قازاقستان ٷكٸمەتٸمەن ىنتىماقتاستىعىن بەلسەندٸ جالعاستىرىپ كەلەدٸ», - دەدٸ ۆەدومستۆودان.
بۇۇ دامۋ باعدارلاماسى (بۇۇدب) قر اۋماعىندا ەرەكەت ەتەتٸن بۇۇ-نىڭ ەڭ ٸرٸ اگەنتتٸگٸ بولىپ تابىلادى. بۇۇدب قازاقستانعا كٶمەك كٶرسەتۋ باعدارلاماسىن 1993 جىلى باستادى. 1994 جىلى قازاندا قر ٷكٸمەتٸ مەن بۇۇدب اراسىندا قازاقستانداعى باعدارلاما قىزمەتٸنٸڭ باسىم باعىتتارىن قامتيتىن ىنتىماقتاستىق تۋرالى كەلٸسٸمگە قول قويىلدى.
يۋنيسەف ٶز جۇمىسىن قازاقستاندا 1992 جىلى باستادى. 1999 جىلى الماتىدا ورتالىق ازييا ەلدەرٸ مەن قازاقستان بويىنشا ايماقتىق وفيس اشىلدى, 2001 جىلى نۇر-سۇلتاندا كەڭسە اشىلدى.
