«اتامەكەن» ۇكپ مەن «وتانداستار قورى» كوممەرتسييالىق ەمەس اكتسيونەرلٸك قوعامى اراسىندا ٶزارا تٷسٸنٸستٸك جەنە ىنتىماقتاستىق تۋرالى مەموراندۋم جاسالدى. كەلٸسٸمگە «وتانداستار قورى» كەاق پرەزيدەنتٸ نۇرتاي ەبٸقاەۆ پەن پالاتانىڭ باسقارما تٶراعاسى ابىلاي مىرزاحمەتوۆ قول قويدى, دەپ حابارلايدى "ۇلت اقپارات".
ايتا كەتەيٸك, «وتانداستار قورى» - شەت ەلدەردە تۇراتىن ەتنيكالىق قازاقتار مەن وتانداستاردى قولداۋ جۇمىسى بويىنشا مەملەكەتتٸك ورگاندار جەنە ٷكٸمەتتٸك ەمەس ۇيىمدارمەن ناقتى باعىتتاردى ايقىنداپ, سەرٸكتەستٸك ورناتاتىن ۇيىم. ال مەموراندۋم «اتامەكەن» ۇكپ مەن قوردىڭ بٸرقاتار باعىتتا تىعىز بايلانىستا جۇمىس اتقارۋى ٷشٸن نەگٸز بولىپ تابىلادى. مەسەلەن, «اتامەكەن» ٶزٸندە جيناقتاعان كەسٸپكەرلٸك تۋرالى بٸلٸم بانكٸن پايدالانۋ, بيزنەس قۇرۋ جەنە دامىتۋ, پالاتا جٷزەگە اسىراتىن باعدارلامالار بويىنشا وقىتۋ, ينۆەستورلار مەن ستارتاپتاردى ٸزدەۋ باعىتىندا قولداۋ جاسايدى.
سونىمەن قاتار ىنتىماقتاستىق اياسىندا «مەنٸڭ اتامەكەنٸم» جەنە بيزنەس سالاسىنداعى شەتەلدٸك قازاقتار ۇيىمدارىن ەلەم بويىنشا بٸر جەلٸگە بٸرٸكتٸرەتٸن «اتامەكەن» ٸسكەرلٸك ٷيٸ» جوباسىن ٸسكە اسىرۋ مەسەلەلەرٸ دە قامتىلدى. ەتنيكالىق قازاقتاردىڭ تاريحي وتانىنا كٶشۋٸن ىنتالاندىرۋدى قاراستىراتىن «تەمٸرقازىق» باعدارلاماسىنا دەربەس باسىمدىق بەرٸلەدٸ.
«وتانداستار» قورى مەن «اتامەكەن» ۇكپ بٸرلەسكەن جۇمىسىنىڭ الداعى باعىتتارى «وتانداستار. بولاشاققا باعدار» اتتى حالىقارالىق دٶڭگەلەك ٷستەل اياسىندا ٶتەتٸن «اتامەكەن» ٸسكەرلٸك ٷيٸنٸڭ» پانەلدٸك سەسسيياسىندا ناقتىلانادى. اتالعان شارا بيىل 28 قاراشادا نۇر-سۇلتان قالاسىندا ٶتەدٸ. جيىنعا 20 ەلدەگٸ قازاق دياسپوراسىنان 150 دەلەگات قاتىسادى.
