فەتۋللاح گٷلەننٸڭ ٸزباسارلارى قىرعىزستاندا مەملەكەتتٸك تٶڭكەرٸس جاساۋى مٷمكٸن دەگەن سٶز — «ساندىراق». قىرعىزستان پرەزيدەنتٸ المازبەك اتامباەۆ انكارانىڭ الاڭداۋىنا وراي دەل وسىلاي دەپ جاۋاپ قاتتى. بۇل تۋرالى ۇلت.كز تٸلشٸسٸ "استانا" ارناسىنا سٸلتەمە جاساپ حابارلايدى.
ٶز سٶزٸندە قىرعىز باسشىسى «بٸزگە جٶن سٸلتەپ, شارت قويۋدىڭ قاجەتٸ جوق» دەپ مەلٸمدەدٸ. ايتا كەتەيٸك, بۇعان دەيٸن تٷركييانىڭ سىرتقى ٸستەر مينيسترٸ مەۆليۋت چاۆۋشوگلى قىرعىزستان بيلٸگٸن ەلدەگٸ گٷلەنگە قاتىسى بار بارلىق ۇيىمداردى جابۋعا ٷندەگەن-دٸ.
المازبەك اتامباەۆ, قىرعىزستان پرەزيدەنتٸ:
بۇل ساندىراق. اقىلدى بولساڭدار, ٶز ەلدەرٸڭدەگٸ بٷلٸككە قالايشا جول بەرٸپ قويدىڭدار? بٸز, ەرينە, ايتىلعان كەڭەستٸ تىڭداپ, بارلىق اقپاراتتى ساراپتايمىز. بٸراق بٸزدٸ قورقىتۋدىڭ قاجەتٸ جوق.
ال تٷركييادا «تازارتۋ» جۇمىستارى جالعاسىپ جاتىر. قىزمەتٸنەن قۋىلعان ەسكەريلەردٸڭ سانى بٷگٸندە 1400 ادامعا جەتكەن. ولاردىڭ بارلىعىنا دٸندار فەتۋللاح گٷلەنمەن قاتىسى بار دەگەن ايىپ تاعىلىپ جاتىر.
بٷلٸكتەن كەيٸن مەملەكەتتٸك باسقارۋ اپپاراتىندا تٷرلٸ قىزمەتتە بولعان 66 مىڭنان استام ادام جۇمىستان شەتتەتٸلگەن. رەسمي انكارا بۇدان بىلاي تٶنكەرٸستٸ بولدىرماۋ ٷشٸن كٷشتٸك قۇرىلىمداردى قايتا قۇرۋعا ەزٸر. ال رەدجەپ تايىپ ەردوعان قارۋلى كٷشتەر مەن تىڭشىلاردى ٶزٸنٸڭ تٸكەلەي قاراماعىنا الۋعا نيەتتٸ. بۇرىن ولار پرەمەر-مينيسترگە باعىنىپ كەلدٸ.
قازٸر ەسكەر گەنەرالدارىنىڭ جارتىسىنا جۋىعى وتستاۆكاعا جٸبەرٸلگەن. ەسكە سالساق, تٷركييادا مەملەكەتتٸك تٶڭكەرٸس ەرەكەتٸ 16 ماۋسىمدا بولدى. ەل بيلٸگٸ ونىڭ ارتىندا قازٸر اقش-تا تۇرىپ جاتقان فەتۋللاح گٷلەن تۇر دەپ مەلٸمدەگەن ەدٸ. بٸراق اق ٷي ەكٸمشٸلٸگٸ ونىڭ كٸنەسٸن دەلەلدەيتٸن ايعاق ۇسىنباسا, 75 جاسار دٸنداردى تٷركييا بيلٸگٸنە بەرۋدەن باس تارتتى.
