جاڭا كونستيتۋتسيياداعى نەگٸزگٸ ەرٸ قاعيداتتى ٶزگەرٸستەردٸڭ باسىم بٶلٸگٸن مەملەكەت باسشىسى تٸكەلەي ٶزٸ ۇسىندى.
بەيسەنبٸ, 26 اقپان كٷنٸ, «ەدٸلەتتٸ ەرٸ پروگرەسسيۆتٸ قازاقستاننىڭ حالىقتىق كونستيتۋتسيياسى ٷشٸن» جالپىۇلتتىق كواليتسيياسىنىڭ مٷشەلەرٸ اقتٶبە وبلىسىنىڭ اكتيۆٸمەن كەزدەستٸ. ٸس-شارا بارىسىندا مەملەكەتتٸك كەڭەسشٸ ەرلان قارين ەلدٸڭ جاڭا اتا زاڭ جوباسى قالاي ەزٸرلەنگەنٸ تۋرالى ماڭىزدى ەرٸ قىزىقتى دەرەكتەرمەن بٶلٸستٸ.
ونىڭ ايتۋىنشا, پرەزيدەنت تەك رەفورمالارعا باستاماشى بولىپ قانا قويماي, جاڭا كونستيتۋتسييانىڭ نەگٸزگٸ ەرەجەلەرٸنٸڭ تٸكەلەي اۆتورى بولدى.
«پرەزيدەنتتٸڭ مەملەكەتتٸك قۇندىلىقتارعا دەگەن قاستەرلٸ ەرٸ مۇقييات كٶزقاراسىنىڭ جارقىن كٶرٸنٸستەرٸنٸڭ بٸرٸ – مەتٸندەرمەن جۇمىس ٸستەۋ مەدەنيەتٸ. مەملەكەت باسشىسى قاسىم-جومارت كەمەلۇلى تٷرلٸ قۇجاتتارمەن جۇمىس ٸستەگەندە, ٶزٸنٸڭ سٶيلەيتٸن سٶزدەرٸندە «ەگەمەندٸك» جەنە «تەۋەلسٸزدٸك» ۇعىمدارىن ەردايىم باس ەرٸپپەن جازادى», – دەپ اتاپ ٶتتٸ ەرلان قارين.
مەملەكەتتٸك كەڭەسشٸنٸڭ پٸكٸرٸنشە بۇل جاي عانا ستيليستيكالىق ەرەكشەلٸك ەمەس, ەلدٸڭ جوعارى باسشىلىعى ۇستاناتىن قاعيداتتى ۇستانىم.
«پرەزيدەنتتٸڭ ويىنشا, بٸزدٸڭ دە پٸكٸرٸمٸزشە, بۇل سٶزدەر – قاسيەتتٸ, قاستەرلٸ ۇعىمدار. اتا زاڭنىڭ جاڭا مەتٸنٸندە دە وسى ۇستانىم ساقتالدى», – دەدٸ ول.
ەرلان قاريننٸڭ سٶزٸنشە, پرەزيدەنتتٸڭ تەجٸريبەسٸ مول – ول مەملەكەتتٸك جەنە حالىقارالىق دەڭگەيدەگٸ ەڭ جوعارى لاۋازىمداردا قىزمەت اتقاردى. مۇنداي قىزمەتتەردە ەربٸر سٶزدٸڭ دەلدٸگٸ ٷلكەن مەنگە يە. سول سەبەپتٸ دە تۇجىرىمدارعا ايرىقشا مۇقييات قارايدى.
«ول ۇزاق جىلدار بويى پارلامەنتتە, ٷكٸمەتتە, حالىقارالىق ۇيىمداردا قىزمەت اتقاردى. سول سەبەپتٸ, قۇجاتتارمەن جۇمىس ٸستەۋدٸڭ نيۋانستارىن, ەرەكشەلٸكتەرٸن جاقسى بٸلەدٸ. ەربٸر سٶزدٸڭ سالماعىن جاقسى تٷسٸنەدٸ. مۇقييات قارايدى», – دەدٸ ەرلان قارين.
ونىڭ ايتۋىنشا, قاسىم-جومارت توقاەۆ رەفورمالارعا جالپى باسشىلىق جاساۋمەن شەكتەلمەي, جاڭا اتا زاڭنىڭ ەربٸر ەرەجەسٸن جەكە ٶزٸ مۇقييات ەزٸرلەۋگە تٸكەلەي ارالاسقان. پرەزيدەنتتٸڭ تٸكەلەي باستاماسىمەن كونستيتۋتسيياعا ٸرگەلٸ ٶزگەرٸستەر ەنگٸزٸلدٸ.
«مەملەكەت باسشىسى پارلامەنتتٸك جەنە كونستيتۋتسييالىق رەفورمالار اياسىندا ۇسىنىلعان ەربٸر باستامانى جەكە ەرٸ ەگجەي-تەگجەيلٸ زەردەلەدٸ. سوندىقتان جاڭا كونستيتۋتسيياداعى نەگٸزگٸ ەرٸ قاعيداتتى ٶزگەرٸستەردٸڭ كٶبٸن ول ٶزٸ ۇسىندى. مىسالى, جاڭا پرەامبۋلا پرەزيدەنتتٸڭ تۇجىرىمدامالىق تەزيستەرٸ نەگٸزٸندە ەزٸرلەندٸ. سول سيياقتى جاڭا كونستيتۋتسيياداعى ٷلكەن جاڭاشىلدىقتاردىڭ, ەسٸرەسە قاراپايىم ازاماتتاردىڭ مٷددەسٸن قورعايتىن جاڭا نورمالاردىڭ اۆتورى دا – ٶزٸ», – دەپ اتاپ ٶتتٸ مەملەكەتتٸك كەڭەسشٸ.
سٶز سوڭىندا ەرلان قارين جاڭا كونستيتۋتسييادا مەملەكەت باسشىسىنىڭ انىق قولتاڭباسى بار ەكەنٸن جەتكٸزدٸ. ونىڭ ايتۋىنشا, قاسىم-جومارت كەمەلۇلىن قۇجاتتىڭ نەگٸزگٸ باستى اۆتورلارىنىڭ بٸرٸ دەسەك تە ەش قاتەلەسپەيمٸز.
ەسكە سالا كەتەيٸك, پرەزيدەنت جارلىعىمەن جاڭا كونستيتۋتسييا جوباسى 2026 جىلعى 15 ناۋرىزدا ٶتەتٸن رەسپۋبليكالىق رەفەرەندۋمعا شىعارىلدى. قۇجاتتى تالقىلاۋ جارتى جىلعا سوزىلىپ, ازاماتتاردان, ساراپشىلاردان, ساياسي پارتييالار مەن ۇيىمداردان تٷسكەن مىڭداعان ۇسىنىستار ەسكەرٸلدٸ.
