الماتىلىق احمەتجانوۆتار ٷشٸن وتباسى كٷنٸنٸڭ ورنى بٶلەك. وتباسى – سىيلاستىق, جاراستىق ورناعان ورتا, كٸشكەنتاي وتان. ول باعا جەتپەس قۇندىلىق دەپ ەسەپتەيدٸ ٷش بالانىڭ ەكەسٸ باعدات احمەتجانوۆ.
باعدات احمەتجانوۆ اتا-اناسىنان ەرتە ايىرىلعان. سوندىقتان ول ٷشٸن وتباسىنىڭ ورنى ەرەكشە.
«مەن اتا-انامنان 14 جاسىمدا ايىرىلىپ قالدىم. ەكەۋٸ دە كٶلٸك اپاتىنان كٶز جۇمدى. بٸز ەكٸ اعايىندىمىز. ساعدات دەگەن ٸنٸم بار. بٸزدٸ انامنىڭ سٸڭٸلٸسٸ ەشكٸمنەن كەم ەتپەي ٶسٸردٸ, تەربيەلەدٸ, وقىتتى. ول كٸسٸگە ايتار العىسىمىز شەكسٸز»,– دەيدٸ باعدات احمەتجانوۆ.
ونىڭ ايتۋىنشا, وتباسى - باعا جەتپەس قۇندىلىق. ونى ساقتاپ, قۇرمەتتەۋ ەر ادامنىڭ باستى مٸندەتٸ.
«مەن 2015 جىلى 21 جاسىمدا ٷيلەندٸم. قازٸر ٷش بالانىڭ ەكەسٸمٸن. ەكٸ ۇل, بٸر قىزىم بار. وتباسى – اللا سىيلاعان كەرەمەتتەردٸڭ بٸرٸ. وتباسىندا ادام بويىنداعى اسىل قاسيەتتەر جارقىراي كٶرٸنٸپ, قالىپتاسادى. جاقىندارىنا, تۋعان-تۋىسقاندارىنا دەگەن سٷيٸسپەنشٸلٸك ارتادى. بٸز وتباسىن وتاننىڭ كٸشكەنتاي بٸر بٶلشەگٸ رەتٸندە قاراستىرامىز»,– دەيدٸ ول.
باعدات احمەتجانوۆ «الماتىجىلۋجايەنەرگو» جاۋاپكەرشٸلٸگٸ شەكتەۋلٸ سەرٸكتەستٸگٸندە وپەراتور بولىپ جۇمىس ٸستەيدٸ, جارى اقمارال دٷيسەنوۆا جەكەمەنشٸك كومپانييالاردىڭ بٸرٸندە ەسەپشٸ. جاقىندا جاس وتباسى «الماتى جاستارى» باعدارلاماسى بويىنشا باسپانالى بولدى.
«قازٸر جاستارعا ارنالعان باعدارلامالار ٶتە كٶپ. بٷگٸنگٸ كٷنٸ بٸزدە سول مەملەكەت تاراپىنان بەرٸلەتٸن جەڭٸلدٸكتەردٸڭ جەمٸسٸن كٶرٸپ وتىرمىز. جۇمىس ٸستەيتٸن جاستارعا ارنالعان جالدامالى باسپانا باعدارلاماسى اياسىندا بٸر بٶلمەلٸ پەتەرگە يە بولدىق. بۇل بٸز ٷشٸن ٷلكەن كٶمەك. ەندٸگٸ ماقسات ٶز باسپانامىزعا قارجى جيناۋ. جالپى جۇمىس ٸستەيتٸن جاستارعا مٷمكٸندٸكتەر بارشىلىق»,– دەيدٸ ٷش بالانىڭ ەكەسٸ.
