جىل سايىن قازاقستاندا ٶز مٸندەتٸن دۇرىس اتقارماعان مىڭعا جۋىق ادام اتا-انالىق قۇقىعىنان ايىرىلادى, دەپ حابارلايدى قازاقپارات.
بۇل تۋرالى قر ٸٸم ەكٸمشٸلٸك پوليتسييا كوميتەتٸ يۋۆەنالدى پوليتسييا باسقارماسىنىڭ باسشىسى ەسەت وسپانوۆ ايتىپ بەردٸ.
«اتا-انا قۇقىعىنان ايىرۋ - بٸر كٷندٸك جۇمىس ەمەس, ۇزاق پروتسەسس. ونىڭ باستى سەبەبٸ - اتا-انانىڭ ٶز مٸندەتٸن دۇرىس اتقارماۋى. ياعني, ولار بالا تەربيەسٸمەن اينالىسپايدى, بالاعا نەمەسە جاسٶسپٸرٸمگە وتباسىندا قىسىم مەن زورلىق-زومبىلىق كٶرسەتەدٸ, بالانىڭ اتا-اناسى ٸشٸمدٸك قولدانادى جەنە باسقالار. وسى اتالعان تەرٸس ەرەكەتتەردٸڭ بارلىعى بالانىڭ دۇرىس دامۋىنا كەرٸ ەسەرٸن تيگٸزەدٸ.سونىڭ سالدارىنان جىل سايىن قازاقستاندا 1000-عا جۋىق اتا-انا ٶز قۇقىعىنان ايىرىلادى» - دەدٸ ە. وسپانوۆ ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
باسقارما باسشىسى اتا-انا قۇقىعىنان ايىرۋ پروتسەسٸنٸڭ قالاي جٷرەتٸنٸن باياندادى.
«ەڭ الدىمەن ٶز مٸندەتٸن دۇرىس اتقارماي جٷرگەن اتا-انالاردى ەسەپقە قويامىز. سول وتباسىمەن پروفيلاكتيكالىق جۇمىس ٸستەپ, تۇرعىلىقتى ٷي جايىن تەكسەرەمٸز. تيٸستٸ جۇمىستاردان سوڭ ولارمەن جەكە ەڭگٸمەلەسٸپ, اتا-انالارعا نۇسقاۋلىق بەرٸلەدٸ. كەلەسٸ كەزەڭ - ەكٸمشٸلٸك قۇقىق بۇزۋ كودەكسٸنٸڭ 127-بابى بويىنشا (اتا-انالىق مٸندەتٸن ورىنداماۋ) جازاعا تارتىلادى. وسىنداي جۇمىستاردان نەتيجە شىقپاسا, بۇل وتباسىنىڭ مەسەلەسٸ ارنايى كوميسسييادا قارالىپ, كوميسسييا شەشٸمٸمەن اتا-انا ٶز قۇقىعىنان ايىرىلادى», - دەدٸ ول.
بۇعان دەيٸن ە. وسپانوۆ قازاقستاندا كەمەلەت جاسىنا تولماعان قانشا جاسٶسپٸرٸمنٸڭ جازاسىن ٶتەپ جاتقانىن ايتتى.
