الداعى ۋاقىتتا اتا-انالار بالاباقشانى ٶزٸ تاڭدايتىن بولادى. بۇل تۋرالى قر بٸلٸم جەنە عىلىم مينيسترٸ اسحات ايماعامبەتوۆ ايتتى, دەپ حابارلايدى "ۇلت اقپارات".
«6 جاسقا دەيٸنگٸ بالالاردى بالاباقشامەن 100 پايىز قامتۋ مەسەلەسٸن ٸسكە اسىرۋدىڭ ەكٸ ەرەكشەلٸگٸ بار. بٸرٸنشٸدەن, بۇل تاپسىرمانى مەملەكەتتٸك تاپسىرىس بەرۋ ارقىلى جەكەمەنشٸك بالاباقشانىڭ ٷلەسٸن ارتتىرۋ ەسەبٸنەن ورىندايمىز. قىسقا ۋاقىتتىڭ ٸشٸندە جەكەمەنشٸك سەكتوردى دامىتۋدىڭ ارقاسىندا ٶزگەرٸس بولدى. قامتۋ پايىزى ٶستٸ. ارى قاراي وسى باعىتپەن جۇمىس ٸستەپ, بالالاردى بالاباقشامەن قامتۋ مەسەلەسٸن شەشەمٸز»,- دەدٸ مينيستر ٷكٸمەت ٷيٸندە ٶتكەن باسپاسٶز مەسليحاتىندا.
ونىڭ ايتۋىنشا, ەكٸنشٸ ەرەكشەلٸك – ۆاۋچەرلٸك تەتٸك.
«ۆاۋچەرلٸك تەتٸك دەگەنٸمٸز نە? مەسەلەن, بٷگٸندە اتا-انا بالاسىىنىڭ كەزەگٸ كەلگەننەن كەيٸن قاي بالاباقشاعا باراتىنىن مەملەكەت كٶرسەتٸپ بەرەدٸ. ەندٸ مۇنان كەيٸن مەملەكەت باسشىسىنىڭ تاپسىرماسى بويىنشا ۆاۋچەرلٸك تەتٸك قولدانىلادى. ياعني, اتا-انا ٶزٸنٸڭ ۆاۋچەرٸن الىپ, ٶزٸنە ۇناعان, تيٸمدٸ دەگەن بالاباقشانى تاڭدايدى. قازٸرگٸ ۋاقىتتا وبلىس نە قالانىڭ, اۋداننىڭ بٸلٸم بٶلٸمدەرٸ, باسقارمالارى كونكۋرس ٶتكٸزٸپ, قاي بالاباقشا مەملەكەت تاپسىرىس الاتىندىعىن انىقتاسا, ەندٸ اتا-انا ٶزٸ تاڭدايدى. بۇل ەڭ الدىمەن بەسەكەلەستٸكتٸ ارتتىرادى. ال بەسەكەلەستٸك بولعاندا ساپا جاقسارادى. سوندىقتان بۇل ٶتە ماڭىزدى تاپسىرما», - دەدٸ اسحات ايماعامبەتوۆ.
