"استانانىڭ" باس باپكەرٸ قىزمەتٸنەن كەتتٸ

"استانانىڭ" باس باپكەرٸ قىزمەتٸنەن كەتتٸ


اندرەي تيحونوۆ "استانا" فۋتبول كلۋبىنىڭ باس باپكەرٸ قىزمەتٸنەن كەتتٸ. بۇل جٶنٸندە كوماندانىڭ باسپاسٶز قىزمەتٸ مەلٸم ەتتٸ, دەپ حابارلايدى "ۇلت اقپارات".

باس باپكەردٸڭ مٸندەتٸن اتقارۋشى بولىپ ۆلاديمير ەجۋروۆ تاعايىندالدى, ول كوماندانى كەلەسٸ ماتچتارعا دايىندايدى.

"استانا" فك اندرەي ۆالەرەۆيچكە باعا جەتپەس ەڭبەگٸ مەن كوماندا جەتٸستٸكتەرٸنە قوسقان ٷلەسٸ ٷشٸن شەكسٸز العىس بٸلدٸرەدٸ. كلۋب ۇجىمى جاتتىقتىرۋشىعا الداعى ۋاقىتتا دا تابىستار مەن جەڭٸستەر تٸلەيدٸ" - دەلٸنگەن سايتتا.

تيحونوۆ "استانانىڭ" باسشىلىعىنا 2020 جىلدىڭ قازانىندا كەلگەن بولاتىن. ٶتكەن ماۋسىمدا ونىڭ جەتەكشٸلٸگٸمەن كلۋب قپل-دا قولا جٷلدە يەلەنسە, بيىل كٷمٸس جٷلدەگەر اتاندى.