فوتو: depositphotos.com
استانا پوليتسيياسى زەينەتكەردٸڭ تەلەفونىن الىپ, شوتىنداعى بارلىق جيعان-تەرگەنٸن جىمقىرعان ەر ادامدى ۇستادى, - دەپ حابارلايدى «ۇلت اقپارات» Polisia.kz سايتىنا سٸلتەمە جاساپ.
پوليتسيياعا 71 جاستاعى قالا تۇرعىنى ارىز بەرٸپ, بەيتانىس بٸرەۋ ونىڭ قۇنى 100 مىڭ تەڭگە تۇراتىن Samsung تەلەفونىن تارتىپ العانىن ايتقان. ەر ادام جەبٸرلەنۋشٸنٸڭ قاسىنا كەلٸپ وتىرعان.
زەينەتكەرمەن سٶيلەسكەننەن كەيٸن ول قولىنداعى ۇيالى تەلەفونىن جۇلىپ الىپ, ٸزٸن سۋىتقان. كەيٸن قاسكٷنەم موبيلدٸ بانكينگ ارقىلى جەبٸرلەنۋشٸنٸڭ بانكتٸك شوتىنان 475 مىڭ تەڭگە كٶلەمٸندەگٸ قاراجاتتى يەمدەنگەن.
جەدەل-ٸزدەستٸرۋ ٸس-شارالارى بارىسىندا بايقوڭىر اۋداندىق پب كريمينالدىق پوليتسييا بٶلٸمٸنٸڭ قىزمەتكەرلەرٸ قاراقشىلىق شابۋىلمەن اينالىسقان 31 جاستاعى پاۆلودار وبلىسىنىڭ تۇرعىنىن ۇستاعان.
بۇل دەرەك بويىنشا قر قىلمىستىق كودەكسٸنٸڭ 191-بابى (توناۋ) بويىنشا سوتقا دەيٸنگٸ تەرگەۋ امالدارى جٷرگٸزٸلەدٸ. شابۋىل جاساعان ادام پد ۋاقىتشا ۇستاۋ يزولياتورىنا جەتكٸزٸلدٸ. استانا قالاسى پوليتسييا دەپارتامەنتٸ ازاماتتاردى قىراعى بولۋدى ەسكەرتەدٸ. سٸزگە قارسى زاڭسىز ەرەكەتتەر جاسالسا, دەرەۋ پوليتسيياعا قوڭىراۋ شالۋعا كەڭەس بەرەدٸ.
