فوتو اشىق دەرەككٶزدەن الىندى
استانا ەكٸمٸ جەڭٸس قاسىمبەك ورتالىق كوممۋنيكاتسييالار قىزمەتٸندە ٶتكەن بريفينگٸدە LRT جوباسىن سوڭىنا دەيٸن جەتكٸزۋ جٶنٸندە پٸكٸر بٸلدٸردٸ, دەپ حابارلايدى قازاقپارات.
«جوبانى ٸسكە اسىرۋ بويىنشا ەرتٷرلٸ پٸكٸرلەر مەن كٶزقاراستار بار. عىلىمي تۇرعىدان العاندا, حالقى 2 ميلليون نەمەسە 1,5 ميلليوننان اساتىن قالادا جەلٸلٸك قوعامدىق كٶلٸك بولۋى كەرەك. ول جەراستى نەمەسە جەرٷستٸ كٶلٸگٸ بولسىن. سوندىقتان مەنٸڭ جەكە پٸكٸرٸم, بولاشاقتا مەگاپوليستە مۇنداي كٶلٸك بولۋعا تيٸس. ال بٸز 2030 جىلعا قاراي ەلوردا حالقى 2 ميلليونعا جەتەدٸ دەپ بولجاپ وتىرمىز», - دەدٸ قاسىمبەك باق ٶكٸلدەرٸنٸڭ ساۋالىنا جاۋاپ بەرە وتىرىپ.
ەكٸم جوبانىڭ قۇرىلىسىن جالعاستىرۋعا بيىل 50 ملرد تەڭگە بٶلٸنگەنٸن اتاپ ٶتتٸ.
جالپى, LRT-گە بٷگٸنگە دەيٸن شامامەن 600 ملن دوللار جۇمسالدى.
