فوتو: اشىق دەرەككٶز
Air Astana 2026 جىلعى 15 سەۋٸر مەن 31 مامىر ارالىعىندا استانا ەۋەجايىنداعى ۇشۋ-قونۋ جولاعىنىڭ ساعات 10:00-دەن 18:00-گە دەيٸن جوسپارلى تٷردە جابىلۋىنا بايلانىستى رەيستەر كەستەسٸنە ۋاقىتشا ٶزگەرٸستەر ەنگٸزٸلەتٸنٸن مەلٸمدەدٸ, دەپ حابارلايدى Ult.kz.
ەۋەكومپانييا مەلٸمەتٸنشە, اتالعان كەزەڭدە كٷندٸزگٸ ۋاقىتتاعى جٶندەۋ جۇمىستارىنا بايلانىستى بٸرقاتار ٸشكٸ جەنە حالىقارالىق رەيستەردٸڭ ۇشۋ ۋاقىتى قايتا قارالادى.
ٶزگەرٸستەر استانادان الماتى, قوستاناي, ٶسكەمەن, اتىراۋ جەنە اقتٶبە باعىتتارىنا ورىندالاتىن رەيستەرگە ەسەر ەتەدٸ. سونىمەن قاتار حالىقارالىق باعىتتار — سەۋل, فرانكفۋرت, بەيجٸڭ, تاشكەنت, دۋباي, فۋكۋوك, نياچانگ جەنە ىستانبۇل رەيستەرٸنٸڭ كەستەسٸنە دە تٷزەتۋلەر ەنگٸزٸلەدٸ.
كومپانييا ٶزگەرٸسكە ۇشىراعان رەيستەر جولاۋشىلارىنا برونداۋ كەزٸندە كٶرسەتٸلگەن بايلانىس دەرەكتەرٸ ارقىلى الدىن الا حابارلاما جٸبەرٸلٸپ جاتقانىن اتاپ ٶتتٸ.
رەيستٸڭ ناقتى مەرتەبەسٸن ەۋەكومپانييانىڭ برونداۋ جەنە اقپارات ورتالىعى ارقىلى, سونداي-اق رەسمي سايت پەن ونلاين چات قىزمەتٸ ارقىلى بٸلۋگە بولادى.
