Foto: ashyq derekkóz
Air Astana 2026 jylǵy 15 sáýir men 31 mamyr aralyǵynda Astana áýejaiyndaǵy ushý-qoný jolaǵynyń saǵat 10:00-den 18:00-ge deiin josparly túrde jabylýyna bailanysty reister kestesine ýaqytsha ózgerister engiziletinin málimdedi, dep habarlaidy Ult.kz.
Áýekompaniia málimetinshe, atalǵan kezeńde kúndizgi ýaqyttaǵy jóndeý jumystaryna bailanysty birqatar ishki jáne halyqaralyq reisterdiń ushý ýaqyty qaita qaralady.
Ózgerister Astanadan Almaty, Qostanai, Óskemen, Atyraý jáne Aqtóbe baǵyttaryna oryndalatyn reisterge áser etedi. Sonymen qatar halyqaralyq baǵyttar — Seýl, Frankfýrt, Beijiń, Tashkent, Dýbai, Fýkýok, Niachang jáne Ystanbul reisteriniń kestesine de túzetýler engiziledi.
Kompaniia ózgeriske ushyraǵan reister jolaýshylaryna brondaý kezinde kórsetilgen bailanys derekteri arqyly aldyn ala habarlama jiberilip jatqanyn atap ótti.
Reistiń naqty mártebesin áýekompaniianyń brondaý jáne aqparat ortalyǵy arqyly, sondai-aq resmi sait pen onlain chat qyzmeti arqyly bilýge bolady.
