فوتو: Kozachkov offside
استانانىڭ قىلمىستىق ٸستەر جٶنٸندەگٸ اۋدانارالىق سوتىندا 65 جاستاعى گٷلنار سادىقوۆا مەن 41 جاستاعى باس بۋحگالتەر ايجان اتجانوۆاعا قاتىستى ٷكٸم شىقتى, دەپ حابارلايدى Ult.kz.
“Kozachkov offside” Telegram ارناسىنىڭ مەلٸمەتٸنشە, ولار 10 جىلدان استام ۋاقىت باسقارعان №81 Astana English School مەكتەبٸن جەكە بيزنەسٸنە اينالدىرىپ, مەملەكەتكە شامامەن 600 ميلليون تەڭگە زالال كەلتٸرگەنٸ انىقتالدى.
تەرگەۋ مەلٸمەتٸنە سەيكەس, ديرەكتور مەن بۋحگالتەر بٸرنەشە جىل بويى مەكتەپ ارقىلى تابىس تابۋدىڭ تۇتاس سحەماسىن قۇرعان. ولار جوق قىزمەتكەرلەرگە جالاقى تٶلەپ, سول قاراجاتتى ٶز قالتاسىنا ٶتكٸزگەن. تەك بۇل ەرەكەتتەن 28 ميلليون تەڭگە الىنعان.
سونىمەن قاتار, مەكتەپ رۇقساتى جوق دايىندىق سىنىپتارىن اشىپ, اتا-انالاردان قولما-قول اقشا العان. وسىدان كەلگەن شىعىن شامامەن 300 ميلليون تەڭگەنٸ قۇراعان. جازعى لاگەرلەر دە رەسمي قۇجاتسىز جۇمىس ٸستەگەن, بۇل ارقىلى كەمٸندە 24 ميلليون تەڭگە تابىس تٷسكەن.
ديرەكتور شەتەلدٸك مۇعالٸمدەردٸ جوعارى جالاقىمەن جۇمىسقا شاقىرىپ, بٶلٸنگەن قاراجاتتىڭ بٸر بٶلٸگٸ ٶزٸنٸڭ قالتاسىنا تٷسكەن. تەرگەۋ دەرەگٸنە سەيكەس, بۇل سوما 70–75 ميلليون تەڭگەنٸ قۇراعان. باس بۋحگالتەردٸڭ شوتتارى ارقىلى 175 ميلليون تەڭگەگە جۋىق قاراجات ٶتكەن.
سوتتا ەكٸ ايىپتالۋشى دا كٸنەسٸن جارتىلاي مويىندادى. ولار دايىندىق سىنىپتارى مەن لاگەرلەردەن تٷسكەن قاراجات مەكتەپتٸڭ قاجەتٸنە, سونىڭ ٸشٸندە عيماراتتى جٶندەۋگە جۇمسالعانىن ايتقان.
سۋديا ەسەل مۋكۋشەۆا سادىقوۆا مەن اتجانوۆانى بيۋدجەت قاراجاتىن جىمقىرۋ, قىزمەتتٸك ٶكٸلەتتٸگٸن اسىرا پايدالانۋ جەنە قىلمىستىق جولمەن الىنعان اقشانى زاڭداستىرۋ باپتارى بويىنشا كٸنەلٸ دەپ تاپتى.
گٷلنار سادىقوۆا 8 جىلعا باس بوستاندىعىنان ايىرىلىپ, 500 شارشى مەترلٸك ٷي, 10 قىمبات سٶمكە جەنە زەرگەرلٸك بۇيىمدارى تەركٸلەندٸ. ايجان اتجانوۆا 7 جىلعا سوتتالىپ, اۆتوكٶلٸگٸنەن جەنە كوممەرتسييالىق نىسانىنان ايىرىلدى.
سوت ٷكٸمٸ زاڭدى كٷشٸنە ەنگەن جوق.
