Foto: Kozachkov offside
Astananyń Qylmystyq ister jónindegi aýdanaralyq sotynda 65 jastaǵy Gúlnar Sadyqova men 41 jastaǵy bas býhgalter Aijan Atjanovaǵa qatysty úkim shyqty, dep habarlaidy Ult.kz.
“Kozachkov offside” Telegram arnasynyń málimetinshe, olar 10 jyldan astam ýaqyt basqarǵan №81 Astana English School mektebin jeke biznesine ainaldyryp, memleketke shamamen 600 million teńge zalal keltirgeni anyqtaldy.
Tergeý málimetine sáikes, direktor men býhgalter birneshe jyl boiy mektep arqyly tabys tabýdyń tutas shemasyn qurǵan. Olar joq qyzmetkerlerge jalaqy tólep, sol qarajatty óz qaltasyna ótkizgen. Tek bul áreketten 28 million teńge alynǵan.
Sonymen qatar, mektep ruqsaty joq daiyndyq synyptaryn ashyp, ata-analardan qolma-qol aqsha alǵan. Osydan kelgen shyǵyn shamamen 300 million teńgeni quraǵan. Jazǵy lagerler de resmi qujatsyz jumys istegen, bul arqyly keminde 24 million teńge tabys túsken.
Direktor sheteldik muǵalimderdi joǵary jalaqymen jumysqa shaqyryp, bólingen qarajattyń bir bóligi óziniń qaltasyna túsken. Tergeý deregine sáikes, bul soma 70–75 million teńgeni quraǵan. Bas býhgalterdiń shottary arqyly 175 million teńgege jýyq qarajat ótken.
Sotta eki aiyptalýshy da kinásin jartylai moiyndady. Olar daiyndyq synyptary men lagerlerden túsken qarajat mekteptiń qajetine, sonyń ishinde ǵimaratty jóndeýge jumsalǵanyn aitqan.
Sýdia Ásel Mýkýsheva Sadyqova men Atjanovany biýdjet qarajatyn jymqyrý, qyzmettik ókilettigin asyra paidalaný jáne qylmystyq jolmen alynǵan aqshany zańdastyrý baptary boiynsha kináli dep tapty.
Gúlnar Sadyqova 8 jylǵa bas bostandyǵynan aiyrylyp, 500 sharshy metrlik úi, 10 qymbat sómke jáne zergerlik buiymdary tárkilendi. Aijan Atjanova 7 jylǵa sottalyp, avtokóliginen jáne kommertsiialyq nysanynan aiyryldy.
Sot úkimi zańdy kúshine engen joq.
