استانادا جەكە ٷيلەردٸڭ بٸرٸندە بولعان جويقىن ٶرت سالدارىنان 5 بالا قازا تاپتى, دەپ حابارلايدى "ۇلت اقپارات" قر ٸٸم تٶتەنشە جاعدايلار كوميتەتٸنە سٸلتەمە جاساپ.
استانا قالالىق تجد «101» پۋلتٸنە ساعات 02:34-تە سارىارقا اۋدانىنداعى «كٶكتال» تۇرعىن الابى, شىڭعىستاۋ كٶشەسٸ, 5 مەكەنجايىندا ورنالاسقان شارۋاشىلىق قۇرىلىسىنىڭ ٶرتەنٸپ جاتقانى تۋرالى حابار تٷسكەن.
30 شارشى مەتر اۋماقتى شارپىعان جالىن سالدارىنان 25 شارشى مەترلٸك تٶبەسٸ وپىرىلا قۇلاعان. وقيعا ورنىنا جەتكەن ٶرت سٶندٸرۋشٸلەر بٶلٸمشەسٸ تٸلسٸز جاۋدى 03:06-دا اۋىزدىقتاپ, 03:24-تە تولىقتاي سٶندٸردٸ.
ٶرت ورنىنان 2006, 2008, 2013, 2015 جەنە 2018 جىلدارى تۋعان بەس بالانىڭ مەيٸتٸ تابىلدى. ولاردىڭ ەكە-شەشەسٸ جۇمىستا بولعان. ٶرت سٶندٸرۋگە استانا تجد-نٸڭ 17 ادامى مەن 5 تەحنيكاسى, سونداي-اق تجك ورتالىق ايماقتىق اەروموبيلدٸك جەدەل-قۇتقارۋ جاساعىنىڭ 4 ادامى مەن 1 تەحنيكاسى تارتىلدى.
