Astanada jeke úilerdiń birinde bolǵan joiqyn órt saldarynan 5 bala qaza tapty, dep habarlaidy "Ult aqparat" QR IIM Tótenshe jaǵdailar komitetine silteme jasap.
Astana qalalyq TJD «101» pýltine saǵat 02:34-te Saryarqa aýdanyndaǵy «Kóktal» turǵyn alaby, Shyńǵystaý kóshesi, 5 mekenjaiynda ornalasqan sharýashylyq qurylysynyń órtenip jatqany týraly habar túsken.
30 sharshy metr aýmaqty sharpyǵan jalyn saldarynan 25 sharshy metrlik tóbesi opyryla qulaǵan. Oqiǵa ornyna jetken órt sóndirýshiler bólimshesi tilsiz jaýdy 03:06-da aýyzdyqtap, 03:24-te tolyqtai sóndirdi.
Órt ornynan 2006, 2008, 2013, 2015 jáne 2018 jyldary týǵan bes balanyń máiiti tabyldy. Olardyń áke-sheshesi jumysta bolǵan. Órt sóndirýge Astana TJD-niń 17 adamy men 5 tehnikasy, sondai-aq TJK Ortalyq aimaqtyq aeromobildik jedel-qutqarý jasaǵynyń 4 adamy men 1 tehnikasy tartyldy.
