قازاقستاندىق بوكسشى گەنناديي گولوۆكين قۇرلىقتىق حوككەي ليگاسىنىڭ "بارىس" – تسسكا ماتچىن كٶرۋگە كەلدٸ, دەپ جازادى sputniknews.kz.
ەلوردالىق "بارىس" حوككەي كومانداسىنىڭ جانكٷيەرلەرٸ اراسىندا بوكسشىنىڭ دا بار ەكەنٸن جٷرگٸزۋشٸ جارييالاعان. سودان كەيٸن گەنناديي گولوۆكين ورنىنان تۇرىپ, كٶرەرمەندەرگە قول بۇلعادى. ويىنعا جينالعان جۇرت "گەنا! گەنا!" دەپ ۇرانداتىپ, بوكسشىعا قوشەمەت كٶرسەتتٸ.
گەنناديي گولوۆكين ماتچتى VIP-تريبۋنادان تاماشالاپ وتىردى. ونىڭ قاسىندا پرەمەر-مينيستردٸڭ بٸرٸنشٸ ورىنباسارى اسقار مامين, "اتامەكەن" ۇكپ تٶراعاسى تيمۋر قۇلىباەۆ پەن مەدەنيەت جەنە سپورت مينيسترٸ ارىستانبەك مۇحامەديۇلى بولدى.
ويىننان كەيٸن گولوۆكين ٶزٸنە قوشەمەت كٶرسەتكەن جانكٷيەرلەردٸڭ ۆيدەوسىن جارييالاپ, "قۇشاق جايا قارسى العاندارىڭىزعا راحمەت!" دەپ جازعان.
گەنناديي گولوۆكين ساۋل "كانەلو" الۆارەسكە قارسى جەكپە-جەگٸنەن سوڭ 2 قازاندا قازاقستانعا كەلگەن ەدٸ. بۇل كەزدەسۋدٸڭ قورىتىندىسى بويىنشا تٶرەشٸلەر شەشٸمٸمەن مەكسيكالىق بوكسشى جەڭٸسكە جەتتٸ. اقش-تان كەلگەن سوڭ بوكسشى تۋعان قالاسى قاراعاندىعا ورالدى.
